Алматының қылмыстық істер жөніндегі мамандандырылған ауданаралық соты Қайрат Сатыбалдының бұрынғы Гүлмира Сатыбалдыға қатысты үкім шығарып, оны 12 жылға бас бостандығынан айырды.
Сотталушы "Бопсалау", "Өзiнше билiк ету" және "Адамды еркіндігінен заңсыз айыру" баптары бойынша айыпталған. Бұған қоса, сот оның мүлкін тәркілеуді үкім етті.
Сот шешімі бойынша Гүлмира Сатыбалды 12 жылға, көмекшісі Мәди Батыршаев тоғыз жылға бас бостандығынан айырылды.
Сот үкіміне сәйкес, олар жазасын қауіпсіздігі орташа түзеу мекемесінде өтейді. Үкім әзірге заңды күшіне енген жоқ.
Ақпаратқа қарағанда, 2019 жылы Гүлмира Сатыбалды кәсіпкер Абай Жүнісовті "ортақ бизнестен 5 млрд теңге қаражат алды" деп айыптаған. Кәсіпкер айыпқа келіспей, ақшаны қайтарудан бас тартқаннан кейін оны үйінде 165 күн ұстаған.
Фото: Видеодан скриншот
Байланысты жаналықтар
MalimBlocks
