Журналист Мирболат Мырзатайұлын полиция ұстады
Алматы қаласында түнде журналист Мирболат Мырзатайұлын полиция қызметкерлері алып кетті, деп хабарлайды Malim.kz Orda.kz-ке сілтеме жасап.
Азаттықтың мәліметінше, Мирболатты «терроризмге қарсы бөлім» өкілдері ұстаған. Туыстары оның соңғы рет 2 қыркүйек күні 16:30-дар шамасында Талғар қаласынан Алматы қаласына жолға шыққанын хабарлағанын айтты. Одан кейін ол хат-хабарсыз кеткен. Ал оның көлігі Талғар трассасындағы экопос тұрағынан табылған.
Алматы қалалық полиция департаменті тергеу басқармасы бастығының орынбасары Қайрат Қасымбаев белсенділерге Мирболат Мырзатайұлының ұсталу себебін түсіндірді.
“[Мирболат Мырзатайұлы] Бишуиновқа қатысты ҚР 174-бабымен қылмыстық іс қозғалды” деді ол.
Айтуынша, екі күн ішінде тергеу соты оған бұлтартпас жазаны тағайындау мәселесін қарайды.
Фото: Мирболат Мырзатайұлының Facebook парақшасынан
Ең көп оқылған
