Аймағамбетов Тоқаевты неге өтірікші жасай береді?

Министрім не дейді, президентім не дейді? Аймағамбетов Тоқаевты екі айдың ішінде екі түрлі сөйлеуге мәжбүрледі.

Алмас НҮСІП

  • 01.09.2022
Қ.Тоқаев пен А.Аймағамбетов / Фото: ktk.kz

Президент Қасым-Жомарт Тоқаев бүгінгі жолдауында балабақшамен қамтуға қатысты бір дерек келтірді. Оның айтуынша 3-6 жас аралығындағы балаларды балабақшамен қамту ісі ақсап жатыр. Жартысына жуығы балабақшаға бара алмайды. Өз сөзімен келтірсек:

«Мектепке дейінгі тәрбие жұмысы басты назарда болу керек. Алайда бізде 2-ден 6 жасқа дейінгі балалардың жартысынан астамы ғана балабақшаға барады. Мұндай олқылыққа жол беруге болмайды. Балаларды балабақшамен қамтамасыз ету мәселесін түпкілікті шешу қажет. Оған қоса тәрбиешілердің әлеуметтік статусын көтеріп, жалақысын көбейту керек».

Тоқаевқа мұндай деректі кім бергені белгісіз. Логикаға салсақ, мектепке дейінгі мекемелердің дерек-дәйегі  Оқу-ағарту министрлігіне қарайды. Демек, Тоқаевтың аузына бұл сөзді Оқу-ағарту министрі Аймағамбетовтің өзі салған болып шығады.

Бір қызығы Аймағамбетов осыдан жеті ай бұрын, дәл ақпан айының 2-сінде Тоқаевқа мүлде кереғар дерек айтқан. Қараңыз, үкімет отырысында жасаған баяндамасында ол кездегі Білім және ғылым министрі былай дейді:

«3-6 жастағы балаларды балабақшамен қамту 99 пайызға жетті. Ендігі міндет – балабақша бағдарламаларының мазмұны мен оқу-әдістемесін жақсарту, оларға деген талапты күшейтіп, жалпы сапасын арттыру. Мектепке дейінгі білім мен тәрбие моделі дайындалды. Оны биыл жүзеге асырамыз. Осыған дейін кішкентай балаларға мектептегі тәрізді 20 минуттан сабақ өткізіліп келсе, енді педагог оқыту мен тәрбиелеуді баланың бақшаға келген тұсынан бастап физиологиялық және психологиялық қажеттіліктеріне қарай ойын, коммуникациялық арнайы әдістемемен іске асырады. Шетелдік тәжірибе осы әдістеменің маңыздылығын көрсетіп отыр».

Бәлкім, Аймағамбетов бұл жерде 2-6 жасқа дейінгі балалар туралы айтылып тұрғанын, ал, ол 3-6 жасқа дейінгі балалар туралы айттым деп ақталып кетуіне де болар. Бірақ, осыдан екі айға жетпейтін уақыт бұрын Тоқаев 2-6 жасқа дейінгі балалардың 88%-ы балабақшамен қамтылғанын айтқан. Жоғарыдағы логикаға салсақ, бұл ақпараттың да түпкі дерегі Аймағамбетов басқаратын ведомствоға барып тіреледі.

Балабақша жыры соншама жылдан бері айтылып келе жатқан мәселе. Ақыры, жекеменшік балабақшалардың үлесін көбейту арқылы бұл проблема шешілгендей болған. Тіпті, оларға мемлекет тарапынан жасалатын тексерулерге де тыйым салып, балабақшамен қамту көрсеткішін «кей өңірлерде 100 пайызға жеткізіп» тастаған соң, аз уақыт желпіне сөйлеп жүрген Аймағамбетов жақында күтпеген жерден сапа туралы айта бастады. Алдымен Аймағамбетов, одан кейін Тоқаев балабақшаларды лицензиялау тәртібін қайта енгізілетінін айтты.

Оқи отырыңыз: Ұлттық қор – даяр ас, Смайылов – тік қасық

Президентті өтірікші жасап, әр түрлі сөйлеуге мәжбүрлеп жүрген Аймағамбетовтің бұл әрекетін ақтайтын бір ғана жол бар: Ол балабақшалардың жартысы техникалық және санитарлық талаптарға сай келмейтін ғимараттарда, білікті мамандарсыз және қауіпті жағдайларда ашылғанын, былтыр балабақшалардың 80%-ы мемлекеттік аттестациядан өте алмаса да жұмысын жалғастырып жатқанын және "қауіпті жағдайдағы балабақшаларға" әлі күнге жұмыс істеуге мүмкіндік беріп қойған балабақшалардың Тоқаевтың есебіне кірмейтінін, яғни, бұл балабақшаларға Оқу-ағарту министрлігінің қатысы жоқ екенін мойындау. Сонда ғана президент емес, Аймағамбетовтің өзі өтірікші болып құтылады.

Әйтпесе, лицензиялау қайтарылғанша министрдің өз сөзімен айтсақ, «формалды түрде жабылғанмен, сол ғимаратта, сол проблемалармен қайта ашылып жұмысын жалғастыра беретін» балабақшалардың әр ауызға ілінген сайын өзгере беретін көрсеткіші кезектен тыс сайлау өткізіп, тағы бір жеті жыл президент болуды ойлап отырған Тоқаевқа онша абырой әпере қоймайды. 

Байланысты жаналықтар

Тоқаев Алматы әкімі Ерболат Досаевты қабылдады

28.03.2025

Ертең Тоқаев Мирзиёевпен Алматыда кездеседі

28.03.2025

Тоқаев​​​​​​​ Еуропалық комиссияның вице-президентімен кездесті

28.03.2025

Тоқаев Арменияның сыртқы істер министрін қабылдады

27.03.2025

Тоқаев Қытай Коммунистік партиясының мүшесін қабылдады

26.03.2025

Тоқаев Кирилл Герасименконы Қазақстанның абсолют чемпионы атағымен құттықтады

25.03.2025
MalimBlocks
Тоқаев Алматы әкімі Ерболат Досаевты қабылдады

Президент Қасым-Жомарт Тоқаев Алматы әкімі Ерболат Досаевты қабылдады

Ертең Тоқаев Мирзиёевпен Алматыда кездеседі

29 наурызда Алматыда Қазақстан Президенті Қасым-Жомарт Тоқаев пен Өзбекстан президенті Шавкат Мирзиёевтің бейресми кездесуі өтеді

Тоқаев​​​​​​​ Еуропалық комиссияның вице-президентімен кездесті

Президент Қасым-Жомарт Тоқаев​​​​​​​ Еуропа Одағының Сыртқы істер және қауіпсіздік саясаты жөніндегі Жоғарғы өкілі – Еуропалық комиссияның вице-президенті Кая Калласпен кездесті

Тоқаев Арменияның сыртқы істер министрін қабылдады

Мемлекет басшысы Қасым-Жомарт Тоқаев Арменияның сыртқы істер министрі Арарат Мирзоянды қабылдады

Тоқаев Қытай Коммунистік партиясының мүшесін қабылдады

Мемлекет басшысы Қытай Коммунистік партиясы Орталық комитеті Халықаралық байланыстар бөлімінің меңгерушісі Лю Цзяньчаоны қабылдады

Тоқаев Кирилл Герасименконы Қазақстанның абсолют чемпионы атағымен құттықтады

Президент Қасым-Жомарт Тоқаев Кирилл Герасименконы үстел теннисінен Қазақстанның абсолют чемпионы атағына ие болуымен құттықтады