Әлеуметтік желіде Шымкенттегі Қажымұқан Мұңайтпасұлы атындағы стадионның мүшкіл жағдайын бейнелейтін бейнежазба жарияланды, деп хабарлайды Malim.kz.
Kozachkov offside телеграм-арнасындағы бейнежазбаға қарағанда, стадион ішіндегі душ, дәретхана, киім ауыстыру бөлмесінің жағдайы әбден ескірген. Едендері шіріп, қабырғалары құлап жатыр. Санитарлық жағдайының талапқа сай келмейтіні көрініп тұр.
Айта кетейік, бұл стадион жергілікті «Ордабасы» футбол клубының өз алаңы саналады. Бүгінде ел чемпионатында 16 ойыннан кейін 4-орында тұрған команданың чемпион атануына толық мүмкіндігі бар.
Фото: бейнежазбадан скриншот
