Жазғы демалыс кезінде кәмелет жасына толмаған жасөспірім балаларға қанша сағат жұмыс істеуге болатыны айтылды. Бұл туралы Qaz365.kz-ке сілтеме жасап Malim.kz хабарлайды.
Бұл туралы Балалардың құқықтарын қорғау комитеті жазғы демалыс кезінде жасөспірімдердің жұмыс істеуіне қатысты мәлімдеме жасаған болатын.
ҚР Еңбек кодексінің 69-бабына сәйкес:
14 пен 16 жас аралығындағы жасөспірімдер аптасына 24 сағаттан артық жұмыс істемеуі тиіс;
16 мен 18 жас аралығындағы жасөспірімдер үшін бұл шектеу – аптасына 36 сағаттан аспауы қажет.
Жасөспіріммен еңбек шарты жасалғанда ата-анасының немесе заңды өкілінің жазбаша келісімі міндетті түрде қажет.
Кәмелетке толмағандарды келесідей жұмыстарға тартуға тыйым салынады:
түнгі уақыттағы жұмыс (сағат 22:00-ден 06:00-ге дейін);
үстеме жұмыс;
вахталық жұмыс;
қоса атқарылатын жұмыс;
жұмыс уақытының жиынтық есебімен жүргізілетін еңбек.
Комитеттің хабарлауынша, балалар еңбегін заңсыз пайдаланатын және оларды еңбек қызметінің тыйым салынған түрлеріне тартатын жұмыс берушілер жазаланады.
Фото: Pin24 ru
