Төтенше жағдай кезінде супермаркеттер жабылмайды

  • 15.03.2020
  • Malim Админ

Төтенше жағдай кезінде супермаркеттер мен базарлар жұмыс істей береді. Бұл туралы сауда және интеграция министрлігі хабарлады.

"Сауда және интеграция министрлігі төтенше жағдай кезінде азық-түлік маркеттері мен базарлар жұмыс істей беретінін хабарлайды", – делінген министрлік хабарламасында.

Бүгін түстен кейін президент Қасым-Жомарт Тоқаев елде 16 наурыз бен 15 сәуір аралығында төтенше жағдай жариялаған. Жарлықта ірі сауда орындарының жұмысын шектеу туралы да айтылған.

"Дүниежүзілік денсаулық сақтау ұйымының жаңа COVID-19 коронавирусын пандемия деп жариялауына байланысты азаматтардың өмірі мен денсаулығын қорғау мақсатында Қазақстанның барлық аумағында 2020 жылдың 16 наурыз сағат 8.00-ден бастап, 2020 жылдың 15 сәуір сағат 7.00-не дейін төтенше жағдай енгізілсін," – делінген президент жарлығында.

Жарлықта қоғамдық орындар, ірі сауда орындары, ойын-сауық орталықтары, театр мен кинотеатр тәрізді көпшілік жиналатын орындар жұмысын тоқтату жөнінде айтылған. Сондай-ақ Қазақстан аумағына кіріп шығуға да шектеу қойылады.

 

Байланысты жаналықтар

"Шымкент сити" жобасы: Әр ауданның өз мектебі, өз саябағы, өз ауруханасы болуы керек

02.04.2021

«Nur Otan қазақты бақытқа жетелей берсін»

12.06.2020

Көш көлікті, «Еңбек» табысты болсын!

23.09.2020

Пойыздан түсе салып карантинге жатты

22.04.2020

Әлихантанушы ғалым «Ақ жол» партиясына мүше болды

16.09.2020

Әкім Әбдіқалықова бастамасы және онлайн парадтар

01.05.2020