Алматы толықтай жабылады

  • 18.03.2020
  • Malim Админ

Алматы қаласы әкімінің орынбасары Ерлан Қожағапанов 22 наурыз сағат 00.00-ден бастап қала сыртына қойылған блок-посттар толық жабылады деді. Әкім орынбасарының айтуынша, қалаға келемін деушілер осы 72 сағаттың ішінде кіріп үлгеруі тиіс. Қаладан кетемін деушілер де осы уақыт ішінде шығып кетуі керек.

Бұл қала толығымен жабылады, әуе, автокөлік, теміржол қатынасы толық тоқтайды деген сөз. Қалаға тек жасыл дәлізбен қажетті тауар, азық-түлік пен дәрі-дәрмекті әкелуші көліктер ғана кіре алады.

Демек, қалаға сырттан қатынап жұмыс істейтін азаматтар да 22 наурыздан бастап Алматыға кіре алмайды. Е.Қожағапанов қалаға қатынап істейтін жұмысшыларды жұмыс беруші үй-жай, тамақпен қамтуы керектігін айтты. Егер жұмыс беруші мұны істей алмаса, онда жұмысшы қаладан шығып кетуі керек.

"Жұмыс берушілерден көп сұрақ келіп түсті. Барлығы үйге қайтуы керек. Алматыда тұрмайтын адамдар үйлеріне қайтып, үй шаруасымен айналыссын", – деді әкім орынбасары.

"Бірақ Алматыға әуе жолымен қайтып оралғысы келетін ҚР азаматтары  кіре алады. Елден шығып кеткісі келетін шетел азаматтары да ұшақпен елдеріне кете алады. Өйткені 72 сағат шектеу алыс елдерден  оралғысы келетін азаматтарға жетпей қалуы мүмкін. Әрине, оларды кіргіземіз", – деді Қожағапанов.

Алматының ішінде адамдар мен көлік қозғалысына шектеу қойылмайды.

Байланысты жаналықтар

Әкім Әбдіқалықова Олжас Сүлейменовті мақтады

29.08.2020

Темекі коронавирустан қорғай ма, асқындыра ма?

12.05.2020

Кәсіподақ диқандар айлығының өсуіне ықпал етті

19.05.2020

Бекшин: Вирусты жастар мен балалар көп жұқтырып жатыр

21.03.2021

Үкімет азық-түлік қымбаттамау үшін не істеп жатыр?

16.09.2020

Үш пайыз эротика және 42 500 теңге

22.04.2020