Қарулы күштердің әскери қызметшілері блок-бекеттерді күшейтуге қатысады

  • 19.03.2020
  • Malim Админ

Нұр-Сұлтан мен Алматы қалаларында карантин режимін қамтамасыз ету жөніндегі іс-шаралар аясында ҚР ҚК әскери қызметшілері полиция және Ұлттық ұлан өкілдерімен бірге блок-бекеттерде қызмет атқарады.

Карантиндік аймақтарға кіру мен шығудың шектелуін сақтау үшін атқарылатын бірлескен қызмет 2020 жылдың 19 наурызынан бастап Ішкі істер министрлігінің басшылығымен ұйымдастырылды.

Өткен тәулікте Нұр-Сұлтан қаласының аумағындағы блок-бекеттерде Қарулы Күштер әскери қызметшілері атқаратын қызметтердің ұйымдастырылуын Қорғаныс министрі генерал-майор Нұрлан Ермекбаев пен ҚР ҚК Бас штабы бастығы генерал-майор Мұрат Бектанов тексерді. Тексеру барысында әскери қызметшілердің моральдық-психологиялық жағдайына көңіл бөлу, олардың барлық керек-жарақпен қамтамасыз етілуі, қызмет кезіндегі кез-келген жағдайда өзінің іс-қимыл тәртібін білуі басты назарға алынды.

Бұрын айтылғандай, нысандарды дезинфекциялайтын бөлімшелерден басқа Қарулы Күштерден блок-бекеттерін күшейту үшін тиісті дайындықтан өткен және осындай іс-қимылда тәжірибесі бар Десанттық-шабуылдау әскерлерінің келісімшарт бойынша әскери қызметшілері, бітімгершілік полкі және әскери полиция тартылады.

Байланысты жаналықтар

Экс-әкім Бақауов қай президенттен кешірім сұрайды?

26.05.2020

Трампты Ақ үйден қуып шықпақ

12.01.2021

Амнистия: Талғат Ермегияев пен жемқорлар түрмеден ерте босап шыға ма?

02.02.2021

"Билік ата-анадан баланың құқығын талап етпес бұрын, жағдай жасасын"

21.01.2021

Қағба мен пайғамбар мешіті жабылды

20.03.2020

Дариға Назарбаева Лондондағы сарайын сотта ақтап алды

09.04.2020