"Елімізде демократиялық процестер дамып жатыр"

  • 14.05.2020
  • Malim Админ

Сенаттың бейбіт жиналыстар туралы заң жобасын Мәжіліске қайтаруы – елімізде демократиялық процестердің іс жүзінде дамып жатқанын көрсетеді.

Сенатта қаралған бүгінгі заң жобаына қатысты Еуразиялық интеграция институтының директоры Ерлан Саиров осылай пікір білдірді.

«Қазақстан Президенті Қасым-Жомарт Тоқаевтың «Халық үніне құлақ асатын мемлекет» концепциясы қазір іс жүзіне асып жатыр. Бейбіт жиналыстар туралы заң Қазақстан қоғамында қызу және жан-жақты талқыланған заң жобаларының бірі. Бұл заңды әзірлеген Ақпарат және қоғамдық даму министрлігі. Министрлік заңның концепциясының өзі жасалған кезде бүкіл қоғаммен келісіп, түсінуге тырысты. Мәжіліске түскен кезде Нұрлан Нығматулин осы заң бойынша Қазақстан мен шетел сарапшыларын шақырып, үлкен дөңгелек үстел өткізген болатын», - дейді Ерлан Саиров.

Саясаттанушының айтуынша, заң әлі де қызу талқыланып жатыр.

«Қоғамның бір бөлігі бұл заңның кейбір аспектісіне қарсы. Сондықтан Сенаттың бұл заңды қайтадан Мәжіліске қайтаруы – бүгінгі таңда біздің елімізде демократиялық процестердің іс жүзінде дамып жатқанын, сонымен бірге азаматтардың пікіріне депутаттардың, Парламенттің құлақ асып жатқанын көрсетеді. Менің ойымша, осындай келісімдердің арқасында Қазақстан қоғамы қолдануға қолайлы заңға ие болады», - деді Ерлан Саиров.

Дереккөз: kazinform.kz

 

Байланысты жаналықтар

Ресей Қазақстанға гуманитарлық көмек бермек

08.07.2020

Дулат Ағаділдің асына бармақ болған белсенділерді жаппай қамап жатыр

05.08.2020

Алексей Цой неге Ресей вакцинасын салдырмады?

01.02.2021

Маңғыстау өңіріндегі эпиджағдай қалай?

28.07.2020

Әкім мырза, баламды өлтіргендер жазаласын

20.10.2020

Өскеменде ұшақ құлады

26.02.2020