Майлыбаев мерзімінен бұрын түрмеден шықты

  • 10.06.2020
  • Malim Админ

Президент әкімшілігі жетекшісінің бұрынғы орынбасары Бағлан Майлыбаев мерзімінен бұрын босап шыққан. Бұл туралы Азаттық радиосы хабарлады. Нұр-Сұлтан қаласының Байқоңыр аудандық №2 сотының 14 мамырда шығарған қаулысымен мерзімінен бұрын босап шыққан. Сот қаулысы 30 мамырда күшіне енген. Азаттық тілшісіне Нұр-Сұлтан сотының қызметкерлері хабарлаған.

"Қызмет бабын теріс мақсатта пайдаланды" және "мемлекеттік құпияларды заңсыз жинау, тарату, жария етті" деп айыпталған президент әкімшілігінің бұрынғы жоғары шенді қызметкері 2017 жылы 5 жылға сотталған еді.

Нұр-Сұлтан қаласының қылмыстық-атқару жүйесі департаменті өкілдерінің Азаттыққа айтуынша, Бағлан Майлыбаев Нұр-Сұлтанның тергеу изоляторынан 30 мамырда босап шыққан. Ол 1 жыл 4 ай 21 күн түрме жазасы қалған кезде босап шыққан.

Әкесі Асаубай Майлыбаев Азаттық тілшісіне түрмеден босап шыққан ұлының жағдайы қалыпты екенін айтқан.

Мамыр айында Майлыбаевтың түрмеден босап шыққаны туралы ақпарат БАҚ-та жарияланбады. Нұр-Сұлтан қалалық сотының баспасөз қызметі Азаттыққа ресми сауалсыз жауап беруден бас тартқан.

Байланысты жаналықтар

Диссертация мен ғылыми басылымдар – ғылымның айнасы

23.05.2020

Біріккен статистика: Бір тәулікте 6407 адам ауырған

02.08.2020

Мәдениет және спорт министрлігі Әуезовке мән бермей отыр

20.01.2021

Дариға-ай, шіркін, мұрагер бола алмай жүрсе, бұлар тақтан қашып жатыр

20.02.2021

Біртановтың Тілеухан мен Перуашевқа алғысы осы болды

14.05.2020

«Үздік педагог - 2020» байқауы әділ өткен жоқ

04.10.2020