Президентті қолдау керек

  • 10.07.2020
  • Malim Админ

Президенттің төрағалығымен өткен Үкіметтің кеңейтілген отырысына қатысты саясаттанушы Расул ЖҰМАЛЫ пікір білдірді.

«Бүгін Үкіметтің кеңейтілген отырысында маңызды шешімдер жарияланды. Әсіресе, жауапкершілік, денсаулық сақтауға қатысты, өз жұмысын дұрыс атқармаған құзырлы мекемелердің жұмысын тоқтату туралы айтылды. Енді осының бәрі қалай іске асатыны маңызды. Президент осыдан 2-3 күн бұрын да тікелей эфирде үндеу жариялаған болатын. Бұл, қажетті нәрсе. Себебі коронавирусқа қатысты жағдай өте ауыр, елдің жағдайы мүшкіл. Күн сайын қайғылы жағдайларды естіп жатырмыз», - дейді Расул Жұмалы.

Мемлекет басшысы  бюджетке, экономикаға және азаматтардың қауіпсіздігіне зиян тигізетін заңбұзушылықтарға баса назар аудару керектігін де айтқан-ды. Саясаттанушы министрлер мен әкімдер де ел алдына шығып, қоғаммен бірге екендерін көрсету керек дейді.

«Халық коронавируспен бетпе-бет жалғыз қалды. Дәл осындай қиын сәтте мемлекет қайда қалды, оның қамқорлығы қайда қалды? Осындай кезеңде өте қажетті ақпарат айтылды. Енді осы айтылған дұрыс ой, негізді пікірлер іске асса жақсы. Өкінішке қарай, аузымыз талай күйді. Мәлімдеме жасалып, орта жолда қалмаса екен. Осындай қауіпті жағдайда іс насырға шаппас үшін Президент сөзін қолдап, оның қарамағындағы барлық мемлекеттік қызметкер осы айтылған дүниелерді іске асыруы керек. Олар жаңаша жұмыс істеуге қаншалықты дайын? Бұл - үлкен мәселе. Президент Қасым-Жомарт Тоқаев қанша рет тікелей эфирге шығып, орын алған жағдайды өз деңгейінде қарап, бақылап отыр. Бірақ министр, үкімет, әкімдердің деңгейіне қарайтын болсақ - сол баяғы ескі сарын. Олар тікелей эфирге шықпай, халық тарапынан сын болғаннан кейін ғана Алматы, елорда әкімі мәлімдеме жасады. Барлық жауапкершілікті Президентке таңып қойып, басқа мемлекеттік органдар үндемей отыратын болса - іс насырға шабады. Сондықтан айтылған мәлімдемелердің жүзеге асуына қатысты талап қою керек», - дейді ол.

Фото: muftyat.kz

 

Байланысты жаналықтар

Никотинге әртүрлі жолмен байлану

23.03.2020

"Заңдағы нормалар халықаралық конвенцияға сәйкеседі"

20.05.2020

Жабайы сауданы заңдастырып, кәсіпкерге мүмкіндік беретін мекеме

17.03.2021

Вирус: Ауру белгісі жоқ науқастар неге көбейіп жатыр?

08.06.2020

«Алғашқы жұмыс орны» шымкенттік жастарға үлкен мүмкіндік береді

16.03.2021

Қазақстан мен Ресей кәдімгідей есеңгіреп қалды

22.05.2020