"Өзгенің үйін тонау патриоттық емес"

  • 12.02.2020
  • Malim Админ

Президент Қасым-Жомарт ТОҚАЕВ Қордай трагедиясына жауаптылардың барлығы заң алдында жауап беретінін мәлімдеді. Бұл туралы МӘЛІМ сайты хабарлайды.

Мемлекет басшысының айтуынша, «жалған патриоттық ұрандарды» көтерушілер жауапкершіліктен құтылмайды.

«Өзге адамның шаңырағына бас-көктеп кіріп, тонаумен айналысатын адамдар және жалған патриоттық ұрандарды көтерушілер – патриот емес. Бұл адамдар заңды бұзушылар, яғни қылмыскерлер, олардың әрекетінде қылмыстық элементтер бар. Сондықтан да олар қоғам мен мемлекет алдында жауап береді. Қатаң жазаланады», - деді президент.

Ішкі істер министрлігі Қордай трагедиясына байланысты 25 қылмыстық іс қозғалғанын мәлімдеген болатын. Ақпанның 7 күні болған жанжалда он адам қайтыс болып, ондаған адам түрлі дене жарақатын алған. Ресми мәлімет бойынша дүнгендер көп шоғырланған Масанчи, Ауқатты, Сортөбе ауылдарында 15 ғимарат, 30-дан астам үй бұлінген. Өртенген автокөліктердің саны 23.

Фото: primeminister.kz

Байланысты жаналықтар

"Ішкі сенім мықты қамалымыз"

01.04.2020

Қастер мен Мұрагерге босқын мәртебесі берілді

17.10.2020

Президентке үндеу: Мұнайшылар ереуілі неге жиіледі?

22.07.2021

COVID-19 ІНДЕТІ КЕЗІНДЕ ЖАНАЗА ЖӘНЕ ҚҰДАЙЫ АС ӨТКІЗУГЕ ҚАТЫСТЫ ҚМДБ МӘЛІМДЕМЕСІ

02.07.2020

«Қымбатымыздан айрылдық»

17.08.2020

Wolt: Ашынған жеткізіп берушілер талаптарын орындатты

18.05.2021