Министр-келін премьер-министр қайын атасының мүсінін ашты

  • 31.08.2020
  • Malim Админ

Қазақстан Республикасы Мәдениет және спорт министрі Ақтоты Райымқұлова жұмыс сапарымен Қызылорда облысына барды. Алдымен министр Қызылорда қаласында орналасқан облыстық тарихи-өлкетану музейінің жұмысымен танысқан.

Кейін Мәдениет және спорт министрі Ақтоты Райымқұлова мен облыс әкімі Гүлшара Әбдіқалықова Арал ауданына барды.

Алдымен Мәдениет және спорт министрі мен облыс әкімі №262 Ұзақбай Қараманов атындағы мектеп-гимназиясының жұмысымен танысып, мүсінін ашылу рәсіміне қатысқан.

«Ұзақбай Қараманұлының есімін ұлықтап, мүсінін ашу рәсімін өткізіп отырмыз. Ұлы адамдардың өмір жолы болашақ ұрпақ үшін әрқашан өнеге. Ұзақбай Қараманов 1937 жылы дүниеге келген. Тәуелсіз Қазақстан Республикасының тұңғыш Премьер-Министрі. Мемлекет және қоғам қайраткері - Қазақстан Құрылысшылар одағының негізін салушы. Қазақ елінің дамуына еңбек еткен азаматтарға құрмет көрсету біздің парызымыз», - деді облыс әкімі Г.Әбдіқалықова.

Ұзақбай Қараманов мүсінінін орнатуға облыстық бюджеттен қаржы бөлініп, Қазақстан Республикасы Мәдениет және спорт министрлігі жанындағы мемлекеттік комиссиямен келісілген.

Мүсіннің авторы Қазақстан Суретшілер одағының мүшесі, мүсінші Айдос Тоқтарбекұлы. Мүсін қола материалынан дайындалды, тұғырымен қоса есептегенде биіктігі 3,2 метр.

Айта кетейік,  Ақтоты Райымқұлова Ұзақбай Қарамановтың келіні. Ақтоты Рахметоллақызы Нұрлан Ұзақбайұлына тұрмысқа шыққан.

Байланысты жаналықтар

Алтай Көлгінов елорда экологиясын қалай жақсарту керегін айтты

10.02.2021

Кәсіпкерлер жамбылдықтарға жәрдемдесті

22.07.2020

Тоғжанов Сапарбаевтың орнына жайғасты

11.02.2020

Волонтерлер лигасы мемлекет басшысының Жолдауын іске асыруға қатысуға үндейді

04.09.2020

Қазақстанда балаға төленетін әлеуметтік төлемнің 8 түрі бар

23.09.2020

Мектеп мұғалімін міндетінен тыс жұмысқа тартқандар жазаланды

30.03.2021