Ақтөбеде сегіз отбасы далада қаңғып жүр

Жанар Қожанова

  • 18.09.2020

Ақтөбеде  сегіз бірдей отбасы бала-шағаларымен далада қаңғып жүр.  Сегіз пәтерлі барақ үйдің тұрғындары осыдан екі ай бұрын үйлері өртеніп кеткен кезде әкімдіктегілер баспаналарын қалпына келтіріп береміз деп уәде етіп кеткен дейді. Тіпті арнайы мамандар шақыртып, жөндеу жұмыстарына кететін  шығынды  да санатып берген. Алайда осы күнге дейін  әкімнің уәдесін күтіп шаршаған тұрғындар көмекті әкімнен емес, енді құдайдан тілеп отырмыз дейді. Тұрғындардың арманы күздің қара суығы жеткенше үйлеріне кіріп алу.

«Үйімізден  тек құжаттарымызды ғана алып шығуға үлгердік. Алты жыл бұрында да үй жанған еді. Үйімізді енді істеп болып, енді үй болған уақытта қайтадан жанып кетті. Менің қызым ол кезде төртте болатын. Ол кезде де есінде. Ол кезде де қатты жылап, ауырған болатын. Осы жолы да солай», –дейді Бибігүл ЕРҒАЛИЕВА.

Тұрғындар әкімдіктегілер үй өртенген күні келіп, кәсіпкерлердің көмегімен төбесін жауып беруге  уәде еткенін айтады. Тіпті мамандар шақыртып, кететін шығынға дейін есептеттіріпті. Алайда арада екі ай өтсе де не әкімнен, не басқадан хабар жоқ дейді.

«Төбелеріңізді көтеріп береміз, қалғанын өздеріңіз істейсіздер» деді. Біз оған да рақмет дедік. Бірақ, әлі жүрміз, әлі ештеңе жоқ. Кімнен сұраймыз енді? Әкімдікке бардық сұрадық. Енді құдайға жалбарынып жүрміз. Қандай болса да өзіміздің үйіміз» -дейді Ағила САҒИЕВА.

Биліктің беріп кеткен  уәдесін екі ай күткен тұрғындар бүгін қала әкімі Асхат ШАХАРОВТЫ іздеп әкімдікке өздері барды.  Алайда әкіммен кездесе алмады.  Орнына өрттен хабарымыз бар, қазір айналысып жатырмыз деген мамандар ғана шықты.

«Келесі аптаның орталарына таман ағаштары апарылады. Демеушілер табылды. Қазір уақытта ақшалары төленді. Қазан айының  15-не таман бұйырса үйлеріне кіру керек», - деді  Ақтөбе қаласы әкімі аппаратының төтенше жағдайлар бөлімінің басшысы Серік ДӘУЛЕТОВ.

Қазір өртеніп кеткен  сегіз үйдің 35 тұрғыны тума туыс жағалап, әр жерде  жүргендерін айтады. Ал әкімдіктегілер қазан айының  ортасына дейін баспаналарын қалпына келтіріп береміз деп тағы да уәдесін берді.

Фото автордікі.

Байланысты жаналықтар

Халық үшін нағыз қауіп - антиваксерлер

02.08.2021

Қызылордада мұғалім блок-бекетті не үшін күзетеді?

17.04.2020

Үй кезегінде тұрғандар азайды

12.11.2020

ҰБТ: Биыл оқуға түсу үшін ең төменгі балл қанша?

12.06.2020

«Еріктілік деген – тек көмек қана беру емес»

25.08.2020

Қазақстан кедей елдерге жарты миллиард доллар көмек берді

27.09.2020
MalimBlocks
Халық үшін нағыз қауіп - антиваксерлер

Коронавирустың таралуы асау өрттей қаулап барады. Шарпымаған жері жоқ. Елдің барлық өңірі қызыл аймаққа өтіп, ажал төндіріп тұр. Өкпесі күйген, Құдайдың тегін ауасымен қиындықсыз тыныстауға зар боп қалған науқастар күн санап емес, сағат сайын көбейіп барады. Ана күні ғана 3 мың еді, кеше 7 мыңнан асып жығылды. Былтыр ғалымдар коронавирустың күші мен залалын таппай жатқан сәтте дәл осылайша сырқаттар көп болмаған. Ал биыл, былтыр коронавирустан қорыққан жұрт биыл коронавирустың түбіне жететін вакцинадан үркіп әлек боп, түзу жерде сүрініп жүр.

Қызылордада мұғалім блок-бекетті не үшін күзетеді?

Үй кезегінде тұрғандар азайды

ҰБТ: Биыл оқуға түсу үшін ең төменгі балл қанша?

«Еріктілік деген – тек көмек қана беру емес»

Қазақстан кедей елдерге жарты миллиард доллар көмек берді