Бандағыш шенеуніктер

Malim Админ

  • 15.10.2020

Журналистер мен блогерлер Нұр-Сұлтан қаласы әкімі Алтай Көлгіновке әлеуметтік желіде өткір сұрақ қойғаннан кейін елорда әкімі өздерін банға тығып тастағанын айтып шағынды. Сөйтсе, өздеріне ұнамай қалған журналистерді Көлгінов қана емес, басқа шенеуніктер де банға тастап, парақшасынан қуып шығатын көрінеді.

Белгілі блогер Насима Қорғанбекова астана әкімі Алтай Көлгінов өзін банға тыққанына назданып, әлеуметтік желіде пост жазып, бүкіл астананы басқарып отырған әкімнің мұнысы қалай деп сұрақ тастапты. Мені банға жіберетіндей онымен бұрын жүрген қызымын ба, әлде әйелінен жасыратындай соңынан қалмай жүгіріп жүрген қызбын ба дейді Н.Қорғанбекова. "Қала әкімінің аккаунты мен үшін ақпарат көзі. Мені банға тастап, сол ақпарат алу мүмкіндігінен айырып отыр", - дейді блогер.

Қала әкімі ақпарат алу құқығынан айырғандықтан, оны сотқа беремін дегеннен қорқып қалды ма, әйтеуір көп ұзамай Көлгінов мен оның баспасөз қызметі блогерді баннан шығарыпты.

Сөйтсе, Көлгінов қана емес, оның баспасөз хатшысы да тілшілерді банға тығатын болып шықты. Баспасөз хатшысы Ақмарал Олжабаева мұны әкімнен үйренді ме, әлде керісінше әкім баспасөз хатшысынан үйренді ме, әйтеуір журналист Гүлбану Әбенова Ақмарал Олжабаева өзін банға тастағанын жазыпты.

Көлгінов пен оның баспасөз хатшысы қаржыгер Андрей Чеботаревті де парақшаларынан қуып шыққан. Ештеңе бүлдірген жоқ сияқты едім, "сыпайы сөйлесем де  екеуі мені бандап тастады" деп жазады қаржыгер. Сондағы Чеботаревтің бар кінәсі – әкімнен Қабанбай батыр даңғылын кеңейтемін деп депутаттар алдында кеуде қағып, бұл жобаға 95 миллиард теңге жұмсамақ екені әшкере болған соң әкімдіктің оған қатысы жоқ деп ат-тонын ала қашқанын жазғаны.

Ал журналист Михаил Козачков дәріханалардан маска жоғалып кеткен уақытта сол уақыттағы денсаулқ сақтау министрі Елжан Біртановты тегтегені үшін Біртанов өзін банға тығып жібергенін жазды. М.Козачковты Рахым Ошақбаев (инвестициялар және даму жөніндегі бұрынғы вице-министр), Саясат Нұрбек (BTSDigital жетекшісі), Тоты Әмірова (азаматтық авиация комитеті төрағасының бұрынғы орынбасары), жоғарғы соттың ақпарат құралдарымен жұмыс жөніндегі үйлестіруші судьясы Елдос Жұмақсанов та парақшасынан шығарып жіберген.

Журналист, ҚазГЮУ басқарма төрағасының орынбасары Ерболат Мұхамеджан шенеуніктердің әлеуметтік желіде журналистерді банға жіберуіне былай деп түсіндірме береді:" Ол ситуация оффлайнда былай көрініс табушы еді: әкім және министрдің қабылдауына жазылып, бірақ дәл қабылдайтын кезде "сіз маған нашар сұрақ қоясыз, сондықтан мен сізді қабылдауыма кіргізбеймін". Егер оффлайнда осындай әрекет жасаған болса, заң алдында жауап беруге тура келеді. Тіпті егов арқылы да жауап бермесе, шара қолданылады. Ал енді әлеуметтік желі арқылы жауап бермегені үшін де белгілі бір шаралар қабылдануы керек сияқты", - дейді ол.

Осы арада премьер-министр Асқар Маминнің штаттан тыс кеңесшісі Ербол Еділов Telegram-дағы каналында "Алтай Көлгінов астананың ең нашар әкімі ме? Көптеген қала тұрғыны оның кетуін қалайды. Оның іске аспай қалған бастамалары туралы пікір жазып, астананың қазіргі ахуалы туралы сурет жіберіңіздер" деп отқа май құя түсті. Бұл жазба 150 пікір жинап, тұрғындар астана әкімін сынап, біраз тірлігін бетіне салық қылып басып жатты.

 

Байланысты жаналықтар

Түймебаев қымбат әжетхана сатып алудан бас тартты

12.02.2021

Қарин өзі жазған ережесін өзі оқымай ма?

03.03.2020

Мәдениет министрі орынбасарының не үшін ұсталғаны айтылды

26.02.2021

Назарбаев Әлиев туралы: "Қызметін пайдаланып, бизнеске қысым жасады, ақшаларын тартып алды..."

06.07.2021

Қазақстан көше жөндеу үшін Қытайдан қарыз алмақ

30.06.2021

Президент қай күні сайлау өтетінін жариялады

21.10.2020
MalimBlocks
Түймебаев қымбат әжетхана сатып алудан бас тартты

Қарин өзі жазған ережесін өзі оқымай ма?

Мәдениет министрі орынбасарының не үшін ұсталғаны айтылды

Назарбаев Әлиев туралы: "Қызметін пайдаланып, бизнеске қысым жасады, ақшаларын тартып алды..."

Қазақстан көше жөндеу үшін Қытайдан қарыз алмақ

Президент қай күні сайлау өтетінін жариялады