Перуашев Тоқаевты қолдайды

  • 22.10.2020
  • Malim Админ

Пропрезиденттік «Ақ жол» партиясы да алдағы мәжіліс сайлауына қатысады. Бұл туралы саяси ұйымның орталық кеңес президиумы хабарлады.

Азат ПЕРУАШЕВ бастаған ақжолдықтар президент ТОҚАЕВТЫҢ сайлау туралы шешімін толық қолдайды және құптайды екен.

«Мәслихаттар мен парламент мәжілісіне сайлауды бір мезгілде  өткізу мемлекеттің ұйымдастырушылық және қаржылық ресурстарын оңтайландыруға мүмкіндік береді, бұл қазіргі экономикалық ахуал жағдайында  маңызды», -делінген хабарламада.

Қашанда ақжолдықтар  билік партиясы «Нұр Отанды» қолдап жүреді. Естеріңізде болса, Азат Перуашев 2015 жылы «Ақ жол» президенттік сайлаудан бас тартып сол кездегі президент Нұрсұлтан НАЗАРБАЕВТЫҢ кандидатурасын қолдайтынын мәлімдеген.  Негізі «Ақ жол» басшысы нұротандықтарды кумир тұтса керек, әлде қатты сыйлай ма әйтеуір олармен тайталасқысы келмейді. Былтырғы президенттік сайлауда да «Нұр Отан» атынан шыққан Қасым-Жомарт Тоқаевпен бәсекелеспей алдыға Дания ЕСПАЕВАНЫ салып қойды.

Қақаған қаңтарда митингі өткізу қиын, пандемия жағдайында сайлау онлайын өтіп кетпей ме? Бұл президенттік сайлауда ОСК-ны әбігерге салған тәуелсіз бақылаушылардан қашу ма деген сауалдар қоғам тарапынан қойылып та жатыр. Кім біледі бұл мәселе ақжолдықтардың да көкейінде болуы ықтимал. Өйткені Перуашевтың саяси ұйымы адал және ашық сайлау өту керек деген сөзді айтыпты.

«Біз сондай-ақ пандемияның жаңа толқыны мен өзге де сыртқы сын-тегеуріндердің сақталып отырған қауіпіне байланысты, бүгінгі кезеңнің күрделілігін атап өтеміз. Сайлау органдарын, басқа партиялардағы әріптестерімізді және сайлаушыларды сайлау алдындағы іс-шараларды өткізу кезінде барлық қажетті қауіпсіздік шараларын сақтауға, сондай-ақ адал және ашық сайлау өткізуге шақырамыз», - делінген хабарламада.

Фото: tobolinfo.kz

Байланысты жаналықтар

Қазақстанда бәрінен де Мәсімовтің орынбасары көп

26.09.2020

Стратегиялық әріптес Қытаймен қарым-қатынас туралы

31.03.2021

Путин Асқар Маминді марапаттады

08.06.2021

Дариға мәжіліске қайта оралды

12.01.2021

Олигарх Алиджан Ибрагимов қайтыс болды

03.02.2021

Бергейдің блогер баласы – Ұлыбританияның азаматы

17.07.2020