Коронавирус қайта өршіп барады

  • 23.10.2020
  • Malim Админ

Коронавирус пандемиясының екінші толқыны біріншісінен де күшті болуы мүмкін деген болжам шындыққа айналатын түрі бар. Қазірдің өзінде әлем бойынша антирекорд тіркелді. Дүниежүзілік денсаулық сақтау ұйымының (ДДСҰ) хабарлауынша, өткен тәулікте әлем бойынша коронавирус жұқтырған 423 819 адам анықталған. Мұндай көрсеткіш бұған дейін мүлде болмаған.

22 қазандағы жағдай бұдан бұрынғы ең жоғарғы көрсеткіштен 11 мыңға көп. Айта кетерлігі, бұған дейін тіркелген антирекорд та осы айда, 17 қазан күні тіркеліпті – 412 889 адам вирус жұқтырған.

Қазіргі жағдайға байланысты көш бастап тұрған ел – АҚШ, онда бір күнтішінде 60 мыңнан астам адам коронавирус жұқтырған; екінші орында Үндістан (55 мың); үшінші орында Франция (41 мың) тұр. Ұлыбритания, Бразилия, Аргентина сияқты елдер де көшбастап тұрған елдер қатарына кіреді. Соңғы кездері көрсеткіші өршіп тұрған көршіміз Ресейде 15 971 адам ауру жұқтырыпты.

Қазақстанда өткен тәулікте вирус жұқтырған 179 адам анықталды. Ал алдыңғы күні 141 адам инфекция жұқтырғаны хабарланған.

ДДСҰ-ның хабарлауынша, падемия басталғалы бері  41,1 млн-нан астам адам жұқтырып, 1,14 млн адам қайтыс болған. Қазақстанда қазіргі көрсеткіш бойынша, жалпы саны 110 086 мың адам ауырып, 1 811 адам қайтыс болған.

Байланысты жаналықтар

Жол, мектеп, емхананы да өздері салатын ауыл

29.10.2020

Текеліден турист үзілмеуі тиіс

02.12.2020

Той жасаушылар тоқтамай тұр

30.07.2020

Бәріміз бір-біріміз үшін жауаптымыз

03.07.2020

Помологиялық бақ көркейсе – ел көркейеді

30.04.2021

Тағы да карантин жариялануы мүмкін

01.07.2020