"Билікке ыңғайлы": Қазақстан тележүргізушілеріне бәсекелес пайда болды

Алмас НҮСІП

  • 20.02.2020

Бұдан былай елміздегі арналарда видео жаңалықтарды виртуалды жүргізушілер жүргізу бастауы мүмкін. Бұл туралы Malim.kz сайты Atameken Business-ке сілтеме жасай отырып хабарлайды.

Виртуалды тележүргізушіні ойлап тапқан – Atameken Business арнасы. Өзін i-Sanj деп таныстырған жасанды интеллект кеше алғашқы эфирін жүргізді. Ол қазақ тележүргізушілеріне «арқаны кеңге салуға болмайды» деп ақыл айтты.

i-Sanj есімінің мәні – виртуалды роботтың кейпіне актер Санжар Мәди таңдалыпты.

«Біздің жұмыссыз қалуымыз мүмкін бе?» деген жүргізушінің сұрағын iSanj:

«Қорқыныштарыңыз орынды. Арқаны кеңге салуға болмайды. Біз роботпыз, біз жолымызды енді ғана бастап жатырмыз. Ары қарай не боларын ешкім білмейді», - деп жауап берді.

Алғашқы эфирінде 2 минуттан аса сараптама жасаған цифрлы жүргізуші өзінің алғашқы міндетін ойдағыдай орындап шыққан сияқты.

Өзінің копиясымен қатар эфирге шыққан Санжар Мәдидің түрі бейнесі сақталғанмен, дауысының жасанды екені байқалады.

"Мен Қазақстан телеарналарының заманауи бағытта келе жатқанына қуаныштымын. Қызық, әлдебір телешоудан менен аумайтын аталас бауырым немесе туған бауырымның табылғанын айтып хабарласқан сияқты әсер", - дейді актер.

Расында, «Atameken Business арнасы енді ешқашан бұрынғыдай болмай» ма? ISanj алдағы уақытта өзі уәде бергендей бизнес әлеміндегі жаңалықтармен өзгеден бұрын таныстырып тұра ма? Арна басшылығы бұл виртуалды жүргізушіні жетілдіре түсу, ТВ технологиясының жаңалықтарынан қалмау маңызды екенін айтады. Олардың сөзінше, роботтар ешқашан толық адамды алмастыра алмайды.

Еске сала кетейік, әлемде тұңғыш виртуалды тележүргізуші экранға 2018 жылы Қытайда шыққан. Көрермендер Қытай тележүргізушісі мен жасанды интеллектіні ажырата алмағандарын айтқан сонда. Қазақ көрермендері не дейді?

Желіде кейбіреулер бұл технология бізге әлі ерте десе, енді біреулер осы да жаңалық болып па деген уәж айтуда. Мұндай роботтардың әсіресе билік үшін тиімді екенін айтқандар да бар. «Адам шатасып (!) жағымсыз нәрсе айтып қалуы мүмкін, ал мыналар толықтай бақылауда» дейді олар...

Фото: inbusiness.kz

Байланысты жаналықтар

Қазақстанда «Шешім журналистикасы лабораториясы» жобасы басталды

28.10.2023

Алматы. "Қуатты өңірлер" бірнеше бағытта дамиды

21.09.2022

Дәулетжан МАХМҰТ. Сырға

16.06.2021

Бекен ЫБЫРАЙЫМ. Қала шетіндегі үй (Жалғасы)

03.04.2021

Айдында жүзген ақ желкен

08.03.2021

«Únsіz qalma»: Буллинг пен конфликтің 5 айырмашылығы

31.10.2020
MalimBlocks
Қазақстанда «Шешім журналистикасы лабораториясы» жобасы басталды

«Әділ сөз» сөз бостандығын қорғау халықаралық қоғамдық қоры Ұлыбритания үкіметінің қаржылай қолдауымен «Шешім журналистикасы лабораториясы» жобасы жүзеге аса бастады.

Алматы. "Қуатты өңірлер" бірнеше бағытта дамиды

Дәулетжан МАХМҰТ. Сырға

Кинозалдың есігін ептеп ашып ішке кірдім, сабақ басталып кетіпті.

Бекен ЫБЫРАЙЫМ. Қала шетіндегі үй (Жалғасы)

Айдында жүзген ақ желкен

«Únsіz qalma»: Буллинг пен конфликтің 5 айырмашылығы