Жасанды интеллекті қолданып жасаған туындының авторы кім болады?
Жасанды интеллектке негізделген алгоритммен жасалған туындының авторы кім болып есептелуі керек? Тапсырма беріп, нәтижесін алған адам ба, әлде алгоритмнің иесі ме? Мәжілістің жалпы отырысында заң жобасын талқылаған депутаттар осы мәселе төңірегінде алаңдаушылық білдіріп, арнайы талқылау жасады.
Депутат Ерлан Стамбеков бұл мәселеге қазір бүкіл әлем бас қатырып отырғанын айта келіп, Қазақстан қай нұсқаны таңдайтынын сұрады.
Баяндамашы депутат Екатерина Смышляева заң жобасын әзірлеушілердің бұл мәселедегі ұстанымы әлі толықтай қалыптасып үлгермегенін айтты.
Жасанды интеллект арқылы арнайы алгоритм көмегімен жасалған туындының авторы алгоритмге иелік етуші тұлға болады. Бұл жағдайда алгоритм иесі туындының авторы кім екенін айқындауға хақылы. Егер адам туындыны қандай бір чаттың моделі арқылы жасауға бүкіл жан-тәнін салған болса, әлемде соны дәлелдеу керек дейтін талап бар. Яғни, адамның туындыны жасаудағы үлесін өлшеу тәсілі қолданылады. Адамның үлесі 50 пайыздан асса, сол адам туынды авторы болып есептеледі. Бірақ бұл ұстанымды әкімшілендіру өте күрделі болатын түрі бар. Сондықтан әзірге авторды айқындау құқығын алгоритм иесіне қалдырып отырмыз. Ал туындыны әзірлеуші мен алгоритм иесінің арасындағы қатынастар азаматтық қатынасқа жатады, — деді Мәжіліс депутаты.
Фото: Midjourney
Қазақстандағы жаңа ұлт: орыстілді қазақ пен қазақтың арасы алшақтап бара ма?
Ең көп оқылған
