Қостанайда 20 мың теңге пара алған полиция ұсталды. Қаладағы бесінші ықшам ауданында орналасқан «Подсолнух» супермаркетінде полицейді облыстық жемқорлыққа қарсы қызмет пен полиция департаментінің ішкі қауіпсіздік өкілдері ұстаған. Олардың барлығы карантинге сай әппақ қорғаныс киімінде болыпты.
Аудандық ішкі істер бөлімінің полицейі жол ережесін бұзған жүргізушіден 20 мың теңге алған. Облыстық полиция департаментің баспасөз қызметінің хабарлауынша, «айыппұлды» өз қалтасына салған полиция 216 жылдан бері ішкі істер саласында еңбек етіп келе жатыр екен.
Қазір ол жұмыстан шығарылып, тікелей басшысы ескерту алған.
Мемлекеттік қызмет және сыбайлас жемқорлыққа қарсы агенттіктің Қостанай облысындағы басшысы Қуанышбек БЕКБАСОВ төтенше жағдай кезінде де шенеуніктерді көзден таса қылмай жүрміз деп мәлімдеді.
Фото: 24.kz
