Гонконгтық 51 құтқарушы Мьянмадағы апат аймағына барды

Қытайдың Гонконг арнайы әкімшілік аймағы (Сянган) билігі жөнелткен құтқару тобы кеше түнде Янгонға барды. Гонкондықтар Мьянманың апат аймағындағы іздеу-құтқару жұмыстарына жергілікті топтарға қосылады. Бұл туралы China Daily газеті хабарлады,- деп жазады ТАСС.

Қала билігі бұған дейін таратқан баспасөз хабарламасында атап өткендей, жасақ құрамында 51 адам бар. Бұл қалалық өртке қарсы қызмет басқармасының 40 қызметкері, сондай-ақ дәрігерлер, екі іздестіру иті бар кинологтар және басқа да мамандар. Сондай-ақ Гонконгтан Мьянмаға тоғыз тоннаға жуық түрлі техника жеткізілді.

Айта кетейік, Мьянмада 28 наурызда күшті жер сілкінісі болды. Тайланд метеорологиялық департаментінің мәліметі бойынша, оның магнитудасы 8,2 болды. Жер сілкінісінен қаза тапқандар саны 1600-ден асты. Жер сілкінісінен Таиланд та зардап шекті, жер асты дүмпулері Қытай мен Вьетнамда сезілді.

Сонымен қатар Бангкоктағы жер сілкінісінен қаза тапқандардың саны 17 адамға жетті, 32 адам жараланды, 83 адам із-түзсіз жоғалды.

Фото: Lam Yik/Reuters