"Қапаландырады". Зеленский АҚШ елшілігінің шабан қимылын сынады
Ресей әскерінің Кривой Рогқа соққысына байланысты Владимир Зеленский АҚШ елшілігінің реакциясын сынға алды, - деп хабарлайды Malim.kz Азаттыққа сілтеме жасап.
“Өкінішке қарай, Америка елшілігінің реакциясы қапаландырады: сондай мықты ел, сондай мықты халық – ал реакциясы сондай әлсіз. Тіпті ракета мен өлген балалар туралы айтқан кезде “орыс” сөзін айтудан қорқады” деп жазды Украина президенті Владимир Зеленский өзінің телеграм-арнасында.
Ресей әскері 4 сәуірде кешке Кривой Рогқа шабуылдаған. Алдын ала мәлімет бойынша, ракета шабуылынан 18 адам қаза болған, 9-ы – бала. Кейін қалаға дрон шабуылы жасалып, нәтижесінде бір әйел опат болды. Қалада үш күндік қаралы күн жарияланды.
Азаттықтың хабарлауынша, АҚШ-тың Украинадағы елшісі Бриджит Бринк X желісінде шабуылдан “жаны түршіккенін” айтып, “сол себепті соғыс аяқталуы керек” деп жазған. Бринк жазбасында Ресей сөзін қолданбаған.
Фото: Getty Images
Ең көп оқылған
