Үшінші тоқсан басталып, мектепке сағынышпен келген оқушылардың сапалы білім алуымен қатар жеке бас қауіпсіздігіне, денсаулығына да аса көңіл бөлу керек. 137-орта мектептің жай-күйімен танысқан қала әкімі мен қалалық мәслихат депутаттары осылай деп жатты. Өйтетін себептері де бар. Мектеп есігі ашылып, карантин шаралар жеңілдегенімен, індеттен сақтану ұмыт қалмауы тиіс.
Қала басшысы мен депутаттары арнайы кеп көрген 1200 орынға арналған Самал ауданындағы жаңа мектепт оқушылар шеберханасымен, STEM кабинетімен спортзал, асханамен қамтылған.
Қала әкімі сыныптарды аралап, кітап көрмесімен танысты. Сонымен бірге, шахмат ойынын тамашалап, спорт секцияларын көріп шықты.
– Балалардың денсаулығын нығайтуда бұқаралық спорттың рөлі күшті. Сол үшін оқушыларды спорт үйірмелеріне көптеп тарту маңызды. Білім сапасымен қатар балалар қауіпсіздігі назардан тыс қалмасын. Мынандай жағдайда денсаулықты сақтау бірінші кезекте, – деді шаһар басшысы.
