"Болашақ" бағдарламасы: АҚШ университеттеріне оқуға қалай түсуге болады?

Malim Админ

  • 30.08.2021

"Болашақ" халықаралық бағдарламасы бойынша АҚШ-тағы жетекші университеттерге оқуға түсу үшін қандай құжаттар керек? Оқу орнын қалай таңдаған дұрыс? Қай штатта оқыған жөн? "Халықаралық бағдарламалар орталығы" АҚ-ның Солтүстік Америка, ТМД, Азия, Океания елдеріндегі ұйымдастыру басқармасының менеджері Жәния Маратова осы сұрақтарға жауап берді.

Ең алдымен оқуға түсуді ертерек жоспарлаған жөн. Себебі АҚШ-та оқуға қабылдау оқу жылы басталардан алты ай бұрын аяқталады. Сондықтан құжаттарды бір жыл бұрын тапсырған дұрыс.

Екіншіден, таңдайтын оқу орны "Болашақ" бағдарламасы ұсынған университеттердің тізімінде болуы тиіс. Бұл тізімді "Халықаралық бағдарламалар орталығы" сайтынан табуға болады.

Ең бастысы, бұл университет пен сіз таңдаған оқу бағдарламасын зерттеп көрген жөн. Оған белгілі бір уақыт арнаған дұрыс.

"Оқитын бағдарламаны әбден зерттеу керек. Университет рейтингіне ғана емес, бағдарлама рейтингіне де қараған жөн. Өйткені сіз оқитын бағдарлама бойынша ол университет рейтингі бір басқа, ал жалпы рейтинг басқа болуы мүмкін.  Мамандыққа келгенде университет рейтингтері әртүрлі болуы мүмкін", - дейді Жәния Маратова.

Университет таңдағанда асығыстыққа салынбай, бәрін елеп-екшеп алған дұрыс. Қажет болса "Болашақ" түлектерінен әлеуметтік желі арқылы кеңес сұрауға болады.

Әдетте магистратура, докторантура бойынша құжаттардың стандартты тізімі жиналып тапсырылады. Олар: маман немесе бакалавр дипломы, ұсыныс хат, мотивациялық хат, резюме, халықаралық емтихандардың сертификаттары. Тіл білу деңгейін анықтайтын тестер – IELTS пен TOEFL. Тіл білу деңгейіне әр университет пен оқу бағдарламасы әртүрлі талап қояды. Жаратылыстану бағытындағы бағдарламаларға IELTS емтиханынан 6 немесе 6,5 балл жеткілікті болуы мүмкін. Ал гуманитарлы бағыттағы бағдарламаларға әдетте 7 балл қажет.

Сонымен қатар кейбір оқу бағдарламалары GRE, GMAT сертификаттарын сұратады. Әсіресе, қаржы, есеп, экономикаға байланысты мамандықтарда GMAT сұралады. Кей мамандықтар GRE сұрамауы мүмкін.

Пандемияға байланысты кей университеттер IELTS, TOEFL орнына Duolingo тестін қабылдап жатыр. Бұл тестті онлайн тапсыруға болады. Бірақ алдымен оқу орнының қабылдау комиссиясынан ол тестті қабылдайтынын-қабылдамайтынын нақтылап білген жөн.

Сондай-ақ Халықаралық бағдарламалар орталығы өзіңіз таңдаған университет оқу бағдарламасының профессорлық-оқытушылық құрамын зерттеуге кеңес береді.

Стипендия сомасына келсек, ол әр штатта әртүрлі. Мысалы, Нью-Йорк, Вашингтон қалаларында 2 мың доллар, кей штаттарда 500-1600 доллар шамасында. Бірақ қай штатты таңдасаңыз да, стипендия азық-түлік, жол жүру, оқу құралдары тәрізді қажеттіліктерге жетеді.  

Байланысты жаналықтар

Жайна Сламбек: Әдеп сақтап, өңмеңдемей сауал қою керек деп бар жағдайда айта алмайсың

28.02.2024

Қытайда Қазақстанның мәдени орталығы ашылады

27.02.2024

Депутат Мукаев хочет переодеть школьников и госслужащих

21.02.2024

Елтаңбаның белгісі санада тез жатталуы керек

16.02.2024

Қоғамды арам ниеттілерден арылту қажет

12.02.2024

Ғалым: «Жастардың қалауына қарсы тұрмаймыз»

09.02.2024
MalimBlocks
Жайна Сламбек: Әдеп сақтап, өңмеңдемей сауал қою керек деп бар жағдайда айта алмайсың

Журналист этикасы – бүгінгі басты назардағы мәселелердің бірі болып отыр.

Қытайда Қазақстанның мәдени орталығы ашылады

Орталық қызметінің негізгі бағыты музей және кітапхана ісі, музыка және кино өнері, тіл үйрету т.б. болады деп жоспарлануда

Депутат Мукаев хочет переодеть школьников и госслужащих

Блогер и депутат Даулет Мукаев решил исправить внешний вид казахстанцев. В среду, 21 февраля, парламентарий потребовал, чтобы правительство внедрило некий стандарт национальной одежды для школьников, а в костюмы госслужащих ввело обязательные элементы казахской айдентики.

Елтаңбаның белгісі санада тез жатталуы керек

Мемлекеттік рәміздерді білмеуі, оларға қызығушылық танытпауы өз тамырына үңілмейтінінің, өз тарихына қызықпайтынының нәтижесі

Қоғамды арам ниеттілерден арылту қажет

Осының бәрі ұлы ақынның сөзін ұға алмай жүрген  қансыз пенделердің таяздықтары мен парықсыздықтарынан туған дүние

Ғалым: «Жастардың қалауына қарсы тұрмаймыз»

Мемлекеттік идеологияға жауапты газеттер мен журналдар мемлекеттік рәміздер туралы жазбайды