Әлем аруы байқауына қатысқан қазақ қызының ұлттық киімі сынға қалды
Miss Grand International байқауына Қазақстанның атынан қатысқан қатысушы қыздың сахнаға киіп шыққан образы жұрттың сынына қалды, деп хабарлайды Malim.kz Skifnews.kz сайтына сілтеме жасап.
Ол дәстүрлі қазақ киімінен шабыт алған жасыл киіммен шықты.
Алайда көрермендерді оның пішімі таңғалдырды: көйлек орнына — боди, ал арт жағында ұзын етек бекітілген.
Пікірлер бөлімінде қызу талқылау басталды — біреулер оның стиліне тәнті болса, енді біреулер дәстүрге құрметсіздік танытты деп сынға алды.
"Мынау не масқара? Қазақтың ұлттық киімі емес бұл!", "Ұлттық нақыштағы киімдерге тым ұят ,ия қазір замануи ,бірақ дизайнер еліміздің атынан қатысқан қызға дұрыс киім таңдау керек еді", "Мынау не купальник пе?", "Бұтына бірдеңе ойластыруға басы жетпей қалғанба дизайнердің", "О сорлаған неме қазақ бұтын ашып жүретін бе еді", "Ұлттық киімді ғана емес, Қазақтың жалпы ұлттығын қорлап тұр", - деп жазды.
