Жетісуда облысында табиғатқа 800 мың теңгеге жуық залал келтірген азамат ұсталды. Ол Лепсі өзенінен заңсыз балық аулаған.
Табиғатты қорғау полиция қызметкерлері Лепсі өзені бойында өткізген рейдік іс-шаралар барысында тыйым салынған құралдарды пайдаланып, заңсыз балық аулаумен айналысқан Талдықорған қаласының 33 жастағы тұрғынын ұстады.
Браконьерден ұзындығы 100 метр, ені 5 метр болатын 8 бірлік ау мен 16 дана темір тор және қайық тәркіленді. Тінту кезінде 100 келіден астам балық табылды.
Алдын ала есептеу бойынша табиғатқа келтірілген залал шамамен — 777 мың теңге.
Табиғатты қорғау қызметкерлері браконьерлік іс балық популяциясына қауіп төндіретінін және табиғи тепе-теңдіктің бұзылуына әкелетінін ескертеді. Ол үшін заңда 3 жылға дейін бас бостандығынан айыру жазасы қарастырылған.
Фото: видеодан скрин
