5 сәуірден бері Алматыда жол қозғалысы және көлік құралдарын пайдалану ережелерін бұзғаны үшін 1500 мопед айыптұраққа қойылды, деп хабарлайды Malim.kz Polisia.kz сайтына сілтеме жасап.
Қалалық полиция департаментінің әкімшілік полиция басқармасы мопед жүргізушілерінің 4000-ы әкімшілік жауапкершілікке тартылғанын мәлімдеді.
«Біз “Қауіпсіз жол” жедел-алдын алу іс-шарасының екінші кезеңі аясында жүйелі профилактикалық жұмыстарды жалғастырып жатырмыз. Негізгі назар мопед жүргізушілеріне аударылған, себебі олар көбіне қарапайым жол ережелерін елемейді. Бұзушылықтар патруль кезінде, стационарлық бекеттерде және бейнебақылау көмегімен тіркеледі», – деді басқарма басшысы Серік Шұмаев.
Айыптұраққа қойылған мопедтердің көбісі жүргізуші куәлігі мен мемлекеттік нөмірсіз басқарылған, сондай-ақ қауіпсіздік талаптарын бұзған.
Фото: ІІМ
