ТЖМ құтқарушылары жоғалған кейуананы тапты, - деп хабарлайды Malim.kz тілшісі.
Кеше күндіз 1951 жылы туған әйел адам Шымкент қаласы Абай ауданы Қайнар бұлақ тұрғын алабынан белгісіз бағытқа шығып, оралмаған. Жақындары таңертең 112 қызметіне жүгінген.
"Шақырту орнына құрамында 2 кинологиялық жасағы бар іздестіру тобы шықты. Үш сағаттан кейін жоғалған әйел елді мекеннен 4 шақырым жерде табылды. Кейуана біраз қалжырағанмен, медициналық көмекке мұқтаж болған жоқ", - деп жазылған хабарламада.
ТЖМ қарттарды қараусыз қалдырмауға кеңес береді.
Фото: ТЖМ
