Сәтбаев қаласында Жастар ресурстық орталығының ұйымдастыруымен қала аумағында тазалық акциясы өтті, деп хабарлайды Malim.kz.
Акцияға 50 бала қатысып, белсенділік танытты. Әр қатысушыға «Кинза» отбасылық мейрамханасына 3 000 теңгелік сертификат табысталды.
Шараның басты мақсаты – жастар арасында тазалық мәдениетін қалыптастыру, қоршаған ортаға жауапкершілікпен қарауға тәрбиелеу және туған қалаға деген жанашырлық сезімін арттыру.
Тазалық – тек айналаны таза ұстау емес, ол әр адамның мәдениеті мен жауапкершілігінен басталады.
Бүгінгі жастардың еңбегі – таза, көркейген әрі жайлы Сәтбаев қаласының болашағына қосылған маңызды үлес!
Таза қала – ортақ міндет!
