Балалар дәретханасына камера орнатқан шенеунік жауап берді

Алмас НҮСІП

  • 01.06.2020

Оқушыларды дәретхана мен жуыну бөлмесінде де бақылауға бұйрық берген Павлодар облысының білім басқармасының бастығы болған жағдайға байланысты жауап берді. Ол ресми мәлімдеме ретінде өзінің Instagram  пара0шасында жазды деп хабарлайды Malim.kz.

Павлодар облыстық білім басқармасының басшылығы балаларды қолдау орталығына бейнебақылау камераларын орнатуды тапсырғанын облыстық прокуратурасы анықтаған.

"Облыстық қиын жағдайдағы балаларды қолдау орталығының жетекшісі орталық тәрбиеленушілерін бейнекамералар арқылы қарап отырған. Тіпті, камералар әжетхана мен қыздарға арналған жуыну бөлмелеріне орнатылып, ол жерлерде не болып жатқаны басшылықтың кабинетіндегі үлкен экран арқылы бақыланған", – деп мәлімдеді Павлодар облысы прокуратурасының басшысы Асхат ҚОҚЫМБАЕВ.

Прокуратура балаларды қолдау орталығының тәрбиеленушілерінің конституциялық құқығы бұзылды деп санайды. Онда 18 жасқа толмаған, ересек қыздарда болғанын есепке алсақ, бұл балалар құқығын өрескел бұзу болып есептеледі.

Бір қызығы, камераларды орнатуға тікелей тапсырма берген білім басқармасының бастығы Дінислам БОЛАТХАНҰЛЫ бұл жағдайды заң бұзушылық деп атамайды. Instagram парақшасына жазған ресми (!) мәлімдемесінде шенеунік бұл қадамға балалардың жайын ойлап барғанын айтады.

"Мен үш баланың әкесі ретінде, балаларды зорлап кетті, өлітіріп кетті, лақтырып, өртеп кетті деген жаңалықтарды естіген сайын солармен бірге өлгендей болам. Сондықтан, иә, мен кәмелетке толмағандардың істері жөніндегі комиссияға барлық жабық мекемелерде камералар орнату мәселесін ұсындым. Тіпті, жуыну бөлмелері мен әжетхана және жатын бөлмелерінің де бақылауда болғанын қаладым. Өйткені өзге аймақтардағы балаларға қарсы қылмыстар мен зорлық-зомбылықтар көп жағдайда сондай жерлерде жасалған. Анығында қылмыскер камераларды көргенде райынан қайтып, өз әрекетінен аяқ тартады емес пе? Осылайша, мен балаларды қорғағым келді", – деп жазды ол.

Қазір аталған камералар алынып тасталған. Бірақ, болған жағдайға қатысты Павлодардың бас ұстазы және орталық директоры қандай да бір жауапқа тартыла ма, жоқ па, ол жағы белгісіз. Бір анығы, басқарма бастығы «өз ұстанымында қалады».

Прокурорлар тексерісінен кейін бақылау камералары алынып тасталды. Бірақ Дінислам Болатханұлы өз ұстанымында қала беретін сияқты. Ол тіпті, бірер мәрте балалар өздерін ақуіпсіз сезіну үшін балалар үйіне қонбақ болғанын, БАҚ өкілдері түсінбей, шулатып жүре ме деп қана бас тартыпты.

Байланысты жаналықтар

Павлодар облысы көмір кенішінде жұмысшы қаза болды

03.07.2024

Павлодар облысында адамды бауыздап, тынығып отырған қария ұсталды

17.06.2024

Бүгін – көрнекті ғалым Кемал Ақышевтің туған күні

23.05.2024

Павлодар облысында кеме капитаны суға батып кетті

10.05.2024

Павлодар облысында шенеуніктер 89 млн теңгеден астам қаржыны жымқырған

04.05.2024

133 млн теңге шығын: Павлодарда мүгедектерге арзанқол гаджет сатып әпермек болғандар сотталды

15.04.2024
MalimBlocks
Павлодар облысы көмір кенішінде жұмысшы қаза болды

Еңбек департаменті оқиғаға қатысты тергеуді бастады.

Павлодар облысында адамды бауыздап, тынығып отырған қария ұсталды

Жантүршігерлік видео әлеуметтік желіде тарап кетті.

Бүгін – көрнекті ғалым Кемал Ақышевтің туған күні

Ол Павлодар облысының Баянауыл кентінде туған.

Павлодар облысында кеме капитаны суға батып кетті

Іздестіру жұмыстарын су деңгейі көтерілуі, қатты жел мен өзен ағыны қиындатып отыр.

Павлодар облысында шенеуніктер 89 млн теңгеден астам қаржыны жымқырған

Сотталушылардың кінәсі куәлардың айғақтарымен, құжаттамалық және заттай дәлелдемелермен, сондай-ақ сараптамалық қорытындылармен дәлелденген.

133 млн теңге шығын: Павлодарда мүгедектерге арзанқол гаджет сатып әпермек болғандар сотталды

Кәсіпкерлік қызмет арқылы 25 млн теңгеден астам заңсыз пайда көрген жеткізуші де жазасыз қалған жоқ.