Цой отставкаға кетсін – наразы топ
Еңбек министрлігі алдында он шақты адам шерулетіп, мүгедектік бойынша берілетін жәрдемақыны екі есе артыруды талап етуде. Бұл туралы Malim.kz тілшісі хабарлайды.
Мүгедектігі бар азаматтар Еңбек министрлігі ғимараты алдына жиналып, мүгедектік бойынша берілетін жәрдемақы мөлшерін екі есе арттырып, баспана мәселесін шешіп беруді талап етуде. Сондай-ақ жиналғандар Денсаулық сақтау министрі Алексей Цой мен Еңбек және халықты әлеуметтік қорғау министрі Серік Шапкенов отставкаға кетсін деп ұрандатуда.
Наразылық шарасына шыққандар саны әлі де артып жатыр. Оқиға орнына полиция қызметкерлері де келіп үлгерді. Министрлік атынан наразы топ алдына шыққан азамат полиция күш қолдануы мүмкін екенін айтып, жиналғандардың тарауын сұрады.
суреттер: abzhannews телеграм-арнасы
