Қаңтар оқиғасында зардап шеккендерге өтемақыны кім береді?
Бүгін Астана қаласының азаматтық істер жөніндегі сот алқасы Өскемен қаласының тұрғыны Ренат Жұбақовқа 5 миллион теңге өтемақы беру жөнінде шешім шығарып, төлеуді қаржы министрлігіне жүктеген болатын.
Бірақ бұл шешімге қаржы министрлігі келіспей отыр. Ренат Жұбақов «заңсыз қылмыстық жауапкершілікке тартылған», сондықтан оған өтемақыны тікелей залал келтіруші - құқық қорғау органдары өтеп беруге тиіс деп есептейді. Өйткені әрбір мемлекеттік мекемеде қаржы министрінің бұйрығымен бекітілген бірыңғай бюджеттік сыныптама болады. Сол құжатта атқарушылық құжаттар мен сот актілерін орындау бойынша шығындар да көрсетіледі. Яғни, мемлекеттік мекеменің міндеттемелері өз иелігіндегі ақшамен жабылады. Бұның алдында да Қаңтар оқиғасы кезінде жараланған, әрі азапталып, екі көзінен айырылған 38 жастағы Ермек Әбдірешовтың өтемақы туралы талап арызына байланысты істі қарағанда прокурор өтемақы төлеуге тиіс орган ретінде қаржы министрлігін атаған. Алайда сотқа келген қаржы министрлігінің өкілі Мүнира Кәрімова «өтемақыны Әбдірешовтің денсаулығына залал келтірген ведомстводан сұрау керек» деген. Қаңтар оқиғасында зардап шеккен Ерқанат Жеңісұлына да өтемақы төленбеген.
Самое читаемое
