Үшінші мегаполис дәрежесін алған республикалық маңызы бар қала мәртебесі бар Шымкент қаласы жан-жақты дамып қана қоймай, келген адамды қызықтыратындай көрікті қала болу керек. Қазір бұл бағытта жұмыстар да атқарылып жатыр. Қала әкімі М.Әйтенов өткен жылы атқарылған жұмыстар бойынша есеп беру жиынында бұл мәселе тұрғындар тарапынан да, әкімдік тарапынан да кеңінен сөз болды. Әсіресе, көпқабатты тұрғын үйлердің аулаларын абаттандыру ісі маңызын жоғалтпау керек.
Қала тұрғындарына қолайлы жағдай жасау керек дегенді жиі айтп жүрген қала басшысы аудан әкімдеріне осы талапты жиі қояды. Соның нәтижесінде аудан-аудандардағы аулалар абаттанып келеді. Мәселен, осы жиынға келіп әкімге алғысын айтқан Лола Садықбаева тұратын Абай ауданын 258 ауланың жартысы абаттандырылған, қалғаны келесі жылдың еншісінде. Айта кетерлігі, бұл алаңдардың барлығына ойын алаңдары салынған. Одан бөлек бұрынғы спорт алаңшаларына жөндеу жұмыстары жүргізілген.
– Тұрғындар үшін қолайлы аула жасап бергені үшін қала әкіміне, аудан басшыларына ризашылығымызды білдіреміз. Карантин кезінде ешқайда шыға алмай отырған балаларымыз өз ауламыздағы ойын алаңшасы мен спорт алаңқайында бір уақыт ойнап, серги алады. Қолайлы қала дегеніміз осы ғой, – деді Абай ауданының тұрғыны Л.Садықбаева.
Бұл жұмыстар өзге аудандар мен елдімекендерде де жалғасын табады. Қала орталығынан алысырақ орналасқан елдімекендергне су құбырлары тартылып, жол салынған, енді абаттандыру, көркейту мәселесіне көңіл бөлінбек.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
