Қызылордадағы Жаңақорған аудандық ауруханасына қайрымды жандар бес жасанды тыныс алу аппаратын тапсырды. Бұл туралы МӘЛІМ КЗ сайтының тілшісі хабарлайды.
Ресми ақпарат бойынша Қызылорда облысында коронавирус жұқтырғандар саны 2066 адам болса, жазылып шыққандар 1420 адам. Ауыр індеттен 7 адам көз жұмған. Жаңақорғандық ауруханаға «Жаңарған Жаңақорған жастар қоғамдық қоры» жасанды тыныс алу аппарытын тапсырған. 2016 жылдан бері қайрымдылықпен айналысып келе жатқан жергілкті азаматтар былтыр ресми қор болып тіркеліпті.
«Елде мынандай жағдай болып жатқанда қол қусырып отыра алмадық. Ел үшін алаңдап отырған кәсіпкерлердің, аз да болса қолындағысы берген қарапайым азаматтардың ақшасын жинадық. Мешіт имамдары да бұл іске араласып, бір тыныс алу аппаратының ақшасын берді. Қысқасы, елден жиналған ақшаға тыныс алу аппаратын алып, халықтың өз игілігіне жаратып отырмыз», - дейді «Жаңарған Жаңақорған жастары қоғамдық қорының» басшысы Еркінбек АЙНАҚОЖАЕВ.
Қайрымдылық қоры бұл аппараттарды белгілі айтыскер ақын Айнұр ТҰРСЫНБАЕВАНЫҢ «Айдың нұры» қорының мұрындық болуымен Түркиядан алдыртыпты. Айтыскер ақын екі тыныс алу аппаратын өз атынан жаңақорғандықтарға берген екен. Жаңақорғандық қор жуық арада белгілі теолог Қайрат ЖОЛДЫБАЙҰЛЫ арқылы Қытайдан тағы сегіз тыныс алу аппаратына тапсырыс беріп қойыпты.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
