Қазақстандық ауыратлет Альберт Линдер қайтыс болды. Бұл қаралы хабарды Ауыр атлетика федерациясының баспасөз қызметі хабарлайды.
Альберт Линдер 25 жаста, Талдықорған қаласының тумасы. Ол жастар чемпионы, Азия чемпионы, Универсиаданың жеңімпазы және рекордшысы, Қазақстанның бірнеше дүркін чемпионы болған.
"Ол өте талантты, болашағынан үміт күттіретін, тәртіпке бағынған спортші еді. Қайғырып көңіл айтамыз" делінген хабарламада. Альберттің қазасының себебі айтылған жоқ.
