Қазақстан Сыртқы істер министрлігі Ресей Федерациясының Уақытша сенімді өкілі Александр Комаровты дереу шақырып алып, нота табыстаған соң, “Қазақстан территориясы – Ресейдің берген сыйлығы” деп Ресей мемлекеттік «Первый канал» телеарнасында сайраған дума депутаты Вячислав Никонов Telegram парақшасында түсініктеме бергендей болды.
«Полагаю, что интересы Казахстана были в полной мере соблюдены при определении границ Казахской ССР, ставших границами Республики Казахстан. Именно об этом я и сказал в передаче "Большая игра"» депті жазбасында депутат.
Яғни, мұның алдында эфирден айтқан сөзінен бас тартып та тұрған жоқ. Онда ол былай деген еді:
«Қазақстан деген болған емес, Солтүстік Қазақстанда адам тұрған емес. Олар [қазақтар] болды әйтеуір, бірақ, оңтүстікке қарай өмір сүрді. Яғни, айналып келгенде, Қазақстан территориясы Ресей мен Совет одағының берген үлкен сыйлығы. Орталықазия елдерінде де осындай жағдайаттар бар».
Көріп отырсыздар, екі сөзі бірін бірі толықтыра түспесе, бірін бірі терістемейді. Оның үстіне кешірім сұраймын деген ниет те жоқ. «Пользуюсь случаем, чтобы еще раз выразить самые теплые чувства в адрес братского народа Казахстана» деп қана қайырады.
Дипломаттар бұл даудың кілтін табар. Бірақ, ол іс жеткіліксіз. Бұл мәселеге біз сыртқы емес, ішкі саясат деп қарауымыз керек. Мәселен, "Большая игра" бағдарламасында «Қазақстанға жерді Ресейге сыйға берген» деп жатқан сәтте оның жүргізушісі В.Познер миығынан күліп тұрды. Араша түспеді. Терістемеді. «Сонда қалай?» деп айтпады. Ал осы Познер сан жылдан бері Нұр-Сұлтанда өткен медиа-құрылтайлардың төрінен түспеді. Мұны бір деп қойыңыз. Екінші мәселе, ұлт араздық тудыратын сөз анау-мынау емес, Ресей мемлекеттік «Первый канал» телеарнасында айтылды. Бұл не сонда? Қырымды басып алған Кремельдің ендігі жаңа саясатының бағыты ма? «Первый канал» телеарнасы бүкіл Қазақстанда таратылады. Арандатушылыққа ашық жол ашып отырған мұндай каналдың таралуын тоқтататын кез келді.
Оқи отырыңыз: Қазаққа жерді Ресей сыйға беріпті
Байланысты жаналықтар
MalimBlocks
