Коронавирус: Ухандағы отандастарымыз елге оралады

Malim Админ

  • 01.02.2020

Қытайда коронавирус атты қатерлі дерттің анықталғанына көп уақыт өте қоймаса да күн санап оның құрбандары мен жаңадан жұқтырғандар саны артып келеді. Осы уаққа дейін біраз мемлекет Қытаймен барыс-келісті, алыс-берісті тоқтатып үлгерді. Ол да заңды нәрсе. Ауру болған жаққа барма, ештеңе алма деген қағида өз еліңнің қауіпсіздігі үшін өте маңызды дүние. Дегенмен, бұл алыстағы елдерге онша бір қиындық туғызбағанмен, іргеде отырған Қазақстан үшін өте күрделі мәселе болып тұр. Бір қуанарлығы, әзірге шекарадағы күшейтілген сақтық шаралары, түрлі деңгейдегі тексерулер нәтижесінде еліміз бұл қауіпті аурудан аман. Бұл шаралар әлі де күшейтіліп, біраз уақытқа сауда айналымы да тоқтайды. Бірақ, Қазақстан үкіметі, сыртқы істер министрлігі, көші-кон комитеті сияқты құзырлы органдар шешетін үлкен бір мәселе бар. Ол, әрине, Қытайдың Ухан аймағында оқып жатқан студенттеріміздің жайын реттеу. Бұл мәселе бойынша еліміз қандай шаралар атқарады?

Бұған дейін айтылды, Қытайдағы студенттердің ешқайсысы қараусыз қалмайды. Қазақстан үкіметі оларды елге қайтарып алудың жолдарын қарастырып жатыр. Бұл алдымен ел үкіметінің Қазақстан азаматтары алдындағы парызы болса, екіншіден, ол жақта қала беру кім үшін болса да қауіпті. Өйткені, күн санап ауру жұқтырғандар көбейіп, кісі өлімі көрсеткіші де өсіп келеді. Қытай үкіметі бұл аурудың шарықтау шегіне жетер мезгілі – ақпан айының орта шені деген. Демек, ол уақытқа дейін жағымсыз көрсеткіштер әлі де арта түспек. Қазірдің өзінде Узан аймайғындағы ауруханаларға адам сыймай жатыр, алдағы уақытта жағдай мүлде шиеленіседі деген сөз. Сол себепті, Қазақстан азаматтары қалай да елге жеткізілуі тиіс. Қазір осыған орай дайындық жұмыстары пысықталып жатыр. Тіпті, ол жаққа ұшатын ұшақ та, экипаж мүшелері де, арнайы дәрігерлер де дайын. Бұған дейін оқу-жаттығу жұмыстарын өткізген дәрігерлер мен барып-қайтатын ұшақта болатын барлық қызметкерлердің қатерлі ауруды жұқтырып алмауы үшін қауіпсіздік шараларының бәрі қарастырылған.

Бұл жайында Қазақстан Республикасы Премьер-Министрінің орынбасары Бердібек Сапарбаев арнайы хабарлаған болатын.

«Егер ол студенттерді алып келетін болсақ, біз алдымен карантин жариялаймыз. Оларға біздің дайындап қойған емханамыз да бар. Сол емханаға апарып, оларды  14 күн бойы емдейміз. Тиісті шараларды қолданамыз. Одан кейін оларға диагностика жасаймыз. Лабораторияға қан аламыз. Лаборатория тексеру нәтижесін берген соң ғана біз оларды шығарамыз», - деді вице-премьер.

Оның сөзіне қарағанда студенттер әуежайға жеткізілген соң барлық қауіпсіздік шаралары сақталады. Оларды арнайы медицина қызметкерлері күтіп алып, бірден автобусқа отырғызады. Одан кейін ешқайда бұрылмай арнайы жабдықталған емханаға апарып, орналастырады.

Бұл сақтық шаралары арнайы зерттеу нәтижесінде бекітілген. Вирустың жұғу уақыты мен оның белгілері түгелдей білініп болатын уақыт аталған – 14 күн. Осы күн ішінде олармен қарым-қатынасқа тыйым салынады. Арнайы орын дайындалып болды, енді, оларды елге жеткізу ғана қалған сияқты. Бердібек Сапарбаев Қытайдың Ухан аймағындағы қазақстандықтарды елге көшіріп әкелуге дайындық пысықталып болғанын хабарлады. Оның айтуынша, Қазақстан Қытайдағы студенттерді алып келугедайын. Қазір ұшақ дайын тұр, аурудан сақтану үшін бюджеттен 1,5 млрд теңге бөлінген.

 «Қазір біз Қытай Халық Республикасының Сыртқы істер министрлігімен жұмыс істеп жатырмыз. Сондағы бірінші кезекте біздің студенттерді алып келу жөніндегі шаралар пысықталды. Екіншіден, сондағы туристерді жеткізу. Туристер 680 болған, олардың жартысы елге оралды», - деді Бердібек Сапарбаев.

Арнайы ұшақ керекті құрылғылармен жасақталған. Сондай-ақ Сапарбаев Қазақстан Республикасы премьер-министрі Асқар Маминнің елдегі сақтық шараларын күшейту үшін қосымша құралдар, маскалар, одан да басқа керекті заттар алу үшін дайындалған қаулыға қол қойғанын атап өтті.

«Оған қосымша 1,5 млрд теңге бөлінген. Оның үстіне, өзіміздің қорымыз да бар, жергілікті жерлерде берілетін көмек бар. Яғни, көмекті немесе медициналық қолдауды қажет ететін азаматтар болса, оған біздің қаржымыз да, мүмкіндікіміз де бар», - деді үкімет басшысының орынбасары.

Айта кету керек, қазір Қытайдың Ухан аймағында 400 қазақстандық студент білім алып жатыр. Оның 98-і індет тараған қалада.

Байланысты жаналықтар

Си Цзиньпин шілдеде Қазақстанға келеді

28.03.2024

Оралов Президент әкімшілігіне оралды

28.03.2024

Мәскеудегі теракті салдарынан қаза тапқандар саны 143 адамға жетті 

28.03.2024

Тоқаев: Қытайдың салған инвестициясының тең жартысы Қазақстанның үлесіне тиесілі

28.03.2024

Шарлапаев ведет Казахстан в промкооперацию ЕАЭС. Кому это выгодно?

27.03.2024

Қырғыз олигархы Райымбек Матраимов ұсталып, Бішкекке жеткізілді

27.03.2024
MalimBlocks
Си Цзиньпин шілдеде Қазақстанға келеді

Бұл туралы Тоқаевтың Бүкілқытайлық халық өкілдері жиналысы Тұрақты комитетінің төрағасы Чжао Лэцзимен кездесуінде белгілі болды, деп хабарлайды Malim.kz.

Оралов Президент әкімшілігіне оралды

Бұрынғы Мәдениет және спорт министрі Асхат Оралов Президент Әкімшілігінің мемлекеттік инспекторы болып тағайындалды, деп хабарлайды Malim.kz.

Мәскеудегі теракті салдарынан қаза тапқандар саны 143 адамға жетті 

Ресей Төтенше жағдайлар министрлігі «Крокус Сити Холлға» жасалған шабуылда және одан кейін қаза тапқандардың тізімін жаңартты. 27-наурыз түнде таратылған мәліметке сәйкес, қаза тапқандар саны 143 адам болған.

Тоқаев: Қытайдың салған инвестициясының тең жартысы Қазақстанның үлесіне тиесілі

Президент Қасым-Жомарт Тоқаев Боао Азия форумының ХХІІІ сессиясына қатысу үшін Халықаралық конференциялар орталығына барды, деп хабарлайды Malim.kz.

Шарлапаев ведет Казахстан в промкооперацию ЕАЭС. Кому это выгодно?

В среду, 27 марта, депутаты мажилиса напоминали ежиков из избитого анекдота, которые кололись, плакали, но продолжал есть кактус. Министр промышленности и строительства Канат Шарлапаев пришел к ним на пленарку, чтобы те ратифицировали протокол о внесении изменений в Договор о ЕАЭС. В нем появится новая норма о реализации государствами-членами ЕАЭС совместных кооперационных проектов в отраслях промышленности.

Қырғыз олигархы Райымбек Матраимов ұсталып, Бішкекке жеткізілді

Қырғызстан кеден қызметі басшысының бұрынғы орынбасары Райымбек Матраимов Бакуден Бішкекке экстрадицияланды, деп хабарлайды Kaktus.media-ға сілтеме жасаған Malim.kz.