Қазақстанда вакцина салдырғандардың ішінен 2 212 адам немесе 0,05 пайызы ғана вирус жұқтырған. Бұл туралы бүгін өткен онлайн брифингіде денсаулық сақтау министрінің орынбасары Марат Шоранов мәлімдеді.
"Вакцинациядан кейін 2 212 адам вирус жұқтырды. Оның 1300-і бірінші компоненттен кейін, ал 900-і екінші компоненттен кейін вирус жұқтырды. Қайтыс болған адамдар жоқ", - деді Марат Шоранов.
Денсаулық сақтау министрі орынбасарының айтуынша, вакцинациядан кейін вирус жұқтырғандардың бәрінде ауру симптомсыз немесе жеңіл түрде өтті. Олардың 80 пайызы амбулаториялық жағдайда ем алса, 20 пайызы ауруханада жатып емделген. Ауруханаға жатқызылғандар ауруы орташа дәрежеде өткен, індеттің ауыр салдары болмаған.
Айжан Есмағамбетова бұған дейін бұл вирус жұқтырудың өте төмен көрсеткіші екенін айтқан. Вакцина өндірушілер вакцинаның тиімділігі 90 пайыздан асатынын мәлімдеген.
8 шілдегі мәлімет бойынша, елімізде вакцинаның екі компонентін салдырғандар саны 2,2 миллион адамнан асты. Вакцинаның бірінші компонентін 4 миллионнан астам адам салдырды.
Фото: Алматы әкімдігінің баспасөз қызметі
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
