Цой министрлікке келген әйелдердің алдына неге шықпағанын түсіндірді
Денсаулық сақтау министрі Алексей Цой министрлікке вакцинацияға қарсылық білдіріп келген бір топ әйелдің алдына неліктен шықпағанын түсіндірді. Министрдің айтуынша, ол қашанда да барлық адаммен кездесуге дайын.
Министрге "бұл әйелдер, бәлкім, сізді іздеп келген шығар. Сіз алдына шықсаңыз, мүмкін, әріптестеріңізді ұрып-соғудың алдын алуға болар ма еді. Неліктен әріптестеріңізді отқа тастадыңыз, әлде ол әйелдерден қорқасыз ба?" деген сұрақ қойылды.
Министрдің айтуынша, денсаулық сақтау министрі тұрақты түрде халыққа түсіндіру жұмыстарын жүргізеді. Ал министрлікке келген әйелдер алдына іште "кім қолжетімді болса, сол шықты".
"Бізде түрлі деңгейде түсіндіру жұмыстары жүргізіледі. Мамандар да, вице-министрлер де, мен де шығамыз. Бұл – тұрақты процесс. Кім қолжетімді болса, азаматтар алдына сол шығып, сөйлеседі. Сондықтан бұл жерден интрига іздеудің қажеті жоқ. Қоғамдық қабылдау бөлімінде азаматтармен тұрақты түрде кездесеміз. Аймақтарда кездесу өткіземіз. Сол күні департамент директорларынан бөлек вице-министрлер шықты. Шыққан мамандардың кәсіби біліктілігі жоғары. Кез келген оқиғаны бөлек қарастырамыз. Бірақ азаматтарға бірдей қарамыз. Жалпы алғанда, барлық азаматпен кездесуге дайынбыз", - деді Алексей Цой.
Шілденің 19-ы күні вакцинаға қарсы бір топ әйел денсаулық сақтау министрлігіне барып, наразылық білдірген. Наразылардың алдына шыққан денаулық сақтау министрінің орынбасарлары Жандос Бүркітбаев, Ажар Ғиният пен бас санитар дәрігердің ресми өкілі Ержан Байтанаев оларды ішке кіріп, сөйлесуге шақырған. Алайда әйелдер оларға құрақ аспай, 12 жастан асқан балаларға вакцина салмауды талап етіп, шу шығарған. Шенеуніктер наразылармен сөйлесіп, диалог орнатуға тырысқанымен, олардың әрекетінен түк шықпады.
Әлеуметтік желіде таралған видеода олардың бас санитар дәрігердің ресми өкілі Ержан Байтанаевқа және вице-министр Жандос Бүркітбаевқа қол көтергені байқалады.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
