Үлкен Мусин кіші Мусиннен кешірім сұрады

  • 18.03.2020
  • Malim Админ

Жақында ғана президент Қасым-Жомарт Тоқаевқа видео арқылы үндеу жолдап, інісі, президент әкімшілігінің бұрынғы жетекшісі Аслан Мусиннен теперіш көргенін баяндаған Орынбасар Мусин енді Аслан Мусиннен кешірім сұрап отыр. Желіде Орынбасар Мусиннің жаңа видео үндеуі жарияланды. Онда Орынбасар Мусин президент Қасым-Жомарт Тоқаевтан алдыңғы видео үндеуін қараусыз қалдыруды өтініп, інісі Аслан Мусин, жиен інісі Сауранбек Мусин мен Атырау облысының бұрынғы әкімі Бергей Рысқалиевтен кешірім сұраған.

Орынбасар Мусиннің  інісінен кешірім сұраған видео үндеуі:

[embed]https://www.youtube.com/watch?v=J8AMWpUC6sY&feature=youtu.be[/embed]

"6 наурыз күнгі видеода аты аталған бүкіл мемлекеттік органдар, прокуратура, сот, тергеу, әкімдіктер мен банктерден кешірім сұраймын. Алдыңғы видеода баяндаған оқиға болған жоқ. Ондай видео жариялауға ұлым Нұрланның қамауға алынуы себеп болды. Содан есеңгіреп қалдым. Эмоционалды көңіл күйге беріліп, өзіме есеп бермей, інім, жақындарым мен мемлекеттік органдарға орынсыз сын тақтым", – дейді Орынбасар Мусин.

Алдыңғы, 6 наурыз күні жариялаған видео үндеуде Орынбасар Мусин інісі Аслан Мусиннен қоқан-лоқы көргенін, бизнесінің 50 пайызын інісінің ұлы Асылбек Мусиннің атына жазып беруге мәжбүр болғанын баяндаған.

Оқи отырыңыз: "Мусиндер ақшаға таласып, Тоқаевтан араша сұрады"

Байланысты жаналықтар

Тұрғымбаев: Митингілерде 80 адам ұсталды

02.03.2020

Атырау облысының әкімі кеткелі жатыр

29.09.2020

Stop Nazarbayev system: Алматыда белсенділер «Нұр Отанға» барды

05.03.2020

Әжетхана дауынан кейін Түймебаев ректор болмай қалыпты

09.02.2021

Үкіметте шаруасы жоқ Бекболат қалай депутат болып жүр?

16.10.2020

Ішімдік ішкен прокурор, өз-өзін атқан полицей: Әбдіханов неге үнсіз?

30.05.2021