Киік қырғандар құрықталды

  • 21.04.2020
  • Malim Админ

Қызылордада 54 киікті қырып, мүйіздерін кескен, артынша аударылып қалған көліктерін тастап, полицейлерден қашқан күдіктілердің бірі ұсталды. Естеріңізде болса 11 сәуір күні бұл оқиға туралы «Киік қырғандар құрықталуы тиіс» деген материал берген болатынбыз.

11 сәуірде Қызылорда қалалық полиция басқармасы Ақсай полиция бөлімінің кезекші бөліміне «Охотзоопром» ӨБРМ қазыналық кәсіпорнының инспекторынан хабар келген. Рейд кезінде Досан ауылының тұсында екі автокөлік блок бекетті айналып өтіп, қашқан. «Охотзоопром» қызметкерлерін байқаған жүргізушілер қашып құтылуға әрекет еткен екен. Қашып келе жатып, «Toyota Land Cruiser» маркалы көлік бір каналға аударылып қалған. Ал күдіктілер екінші көлікпен қашып үлгерген еді. Оқиға орнына Қызылорда қалалық Полиция басқармасына қарасты Ақсай полиция бөлімінің жедел-тергеу тобы барды. Автокөлікті тексеру барысында мүйізі кесілген 54 киіктің тушасы мен 224 дана киіктің мүйізі, 1 ұңғылы МР-155 маркалы аңшы мылтығы, патрондар, пышақ және дүрбі табылған.

Көп ұзамай полиция қызметкерлері күдіктілердің бірін ұстады. «Ол уақытша ұстау абақтысына қамалды. Күдікті 34 жастағы жұмыссыз облыс орталығының тұрғыны болып шықты. Қазір Қазақстан Республикасы Қылмыстық кодексінің 339-бабы 3-бөлігі 2-тармағы бойынша сотқа дейінгі тергеп-тексеру амалы жүргізіліп жатыр.​ Осы қылмысқа қатысы бар күдіктілер іздестіріліп жатыр», - деп мәлім етті Қызылорда облыстық полиция департаментінің баспасөз қызметі.

Енді «Заң қатты, жан тәтті» болуға тиіс. Ұсталған күдікті бәрін өз мойнына алып кетпей, өзгелерді де айтзықып, бәрін қамау керек. Соған байланысты сот өз шешімін айтар.

Естеріңізде болса, Қазақстанда киік атуға 202 жылға дейін қатаң тиым салында. Қазір ел аумағында үш жүз отыз мыңнан аса киік бар. Алда киік төлдейтін уақыт, «Құралайдың салқыны» аталатын мезгіл келе жатыр.

Фото: Ашық ақпарат көздерінен

Байланысты жаналықтар

«Маған біреу тиіскен емес»

28.07.2020

Тоқаев экономиканы қалай құтқармақ?

11.05.2020

Қазақстанда коронавируспен екінші мәрте ауырған адам тіркелді

04.11.2020

ДДСҰ не дейді, Біртанов не дейді?

05.06.2020

Операторлар біріксе тұрғын үй бағасы арзандауы мүмкін

19.02.2020

Біртановты сынаған дәрігерге митинг өткізуге рұқсат бермеді

23.06.2020