Бақауов түрмеге қамалмауы мүмкін

  • 27.05.2020
  • Malim Админ

Павлодар облысының бұрынғы әкімі Болат БАҚАУОВ бас бостандығынан айырылмауы мүмкін. Сотта прокурор Елена Белова кс-әкімнің бас бостандығын шектеуді сұраған.

Бүгін Павлодарда облыстың бұрынғы әкімі Болат Бақауовтың ісі бойынша онлайн сот отырысы өтті.  Бақауов сотқа WhatsApp қосымшасы арқылы қатысты.

Мемлекеттік айыптаушы сотта бұрынғы әкім кінәсін толық мойындап, прокурормен процессуалды келісімге келгенін мәлімдеді. Ол келісім бойынша, экс-әкім 3,6 жыл бас бостандығынан шектеу жазасына кесіліп, дүние-мүлігі тұтқындалмауы мүмкін.

Мемлекеттік айыптаушы Бақауовты 3 жыл 6 айға бас бостандығын шектеу жазасына тартуды сұраған. Сот үкім шығару үшін кеңесу бөлмесіне кетті.

16 қаңтар күні ұсталған Болат Бақауовқа қызмет бабын теріс пайдаланды деген айып тағылған. Бұл айып бойынша дүние-мүлікті тұтқындап, 7 жылға дейін бас бостандығынан айыру немесе 7 жылға дейін бас бостандығын шектеу жазасы қарастырылған.

Болат Бақауов өзіне тағылған айыпты толық мойындады. Сотта Болат Бақауов 165 миллион теңге көлемінде тигізген залалын төлегені белгілі болды.

Сот шешімі бүгін шығып қалуы мүмкін.

Фото: pavon.kz

Байланысты жаналықтар

Беларусь ОМОН-дары әйелдерді сүйреген жоқ

10.08.2020

АҚШ Қазақстанға әскер кіргізбейді

22.05.2021

Рысбек Сәрсенбайұлы: Сайлау кейінге қалуы керек

28.10.2020

YESSENOV UNIVERSITY ұжымымен кездесу

15.12.2020

Індеттегі фестиваль: Сағынтаевтың сөзін құлақтарына қыстырмапты

01.06.2020

Ауғанстан әскерилері Өзбекстан шекарасын заңсыз кесіп өтуде

29.06.2021