Мәмидің күйеубаласы қызметінен кетті

  • 20.07.2020
  • Malim Админ
"Мемлекет басшысының Жарлығымен Асқар Қуанышұлы Жұмағалиев Қазақстан Республикасының Цифрлық даму, инновациялар және аэроғарыш өнеркәсібі министрі қызметінен босатылды" деп хабарлады Ақорда сайты.
Мемлекет басшысы Қасым-Жомарт ТОҚАЕВ өткен айдың соңындағы коронавирус індетінің таралуына қарсы шаралар қабылдау жөніндегі кеңесте өздеріне жүктелген міндеттерді шала орындаған біраз шенеуніктердің жұмысын сынға алды. Сонда Цифрлық даму, инновациялар және аэроғарыш өнеркәсібі министрі Асқар Жұмағалиев  ескерту алған болатын.
48 жастағы Асқар Жұмағалиев  мемлекеттік басшылық қызметке ерте араласты. 32 жасында  Ақпараттандыру және байланыс агенттігі төрағасын басқарды. "Қазақтелеком", "Қазатомөнеркәсіп" компанияларын, бірнеше министрлікті басқарды.
Қазақстанды цифрландыру науқынының басы қасында негізінен Асқар Жұмағалиев жүрді. Әрине, цифрландыру жұмысында аз жұмыстар атқарылған жоқ. Бірақ, бұл жұмыстарға қыруар қаржы да бөлінді.
Елге коронавирус індеті келіп, төтенше жағдай орнаған сәтте цифрландыру жұмысы өте нашар жүргені білініп қалды. Мәселен, онлайнда білім беру көптеген кедергілерге ұшырады. Ал, әлеуметтік жердем алуға өтініш беру қияметке айналды.
Асқар Жұмағалиев жалпы жұртқа саясат элитасының басында ұзақ жүрген, бүгінде Конституциялық кеңестің төрағасы боп отырған Қайрат МӘМИДІҢ  күйеу баласы ретінде де танымал.
Байланысты жаналықтар

Оспан батырдың ұрпақтары Қазақстан билігінен араша сұрады

02.10.2020

Назарбаевқа тағы бір ескерткіш қойылды

03.07.2020

Еспаева не дейді, Аймағамбетов не дейді?

09.09.2020

Сабақтастық: Қазақстан адам құқығын қорғауда елбасының бағытынан ауытқымайды

23.02.2021

Ақтөбеде мұнайшылар жұмысқа шығудан бас тартуда

25.01.2021

Мәдениет министрі орынбасарының не үшін ұсталғаны айтылды

26.02.2021