"Цифрлы Қазақстанға" қатысты қылмыстық іс қозғалды

  • 21.07.2020
  • Malim Админ

Бүгін Сыбайлас жемқорлыққа қарсы іс-қимыл агенттігінің төрағасы Алик Шпекбаев бірінші жартыжылдықты қорытындылауға арналған алқа отырысын өткізді. Алқа отырысында Алик Шпекбаев «Цифрлық Қазақстан» бағдарламасын іске асыруға байланысты пікірін ашық білдірді.
«Пандемия барлық мемлекеттерді қалыптасқан бизнес-үдерістерді қайта пішімдеу арқылы нақты мәселелерді шешуге ғана емес, өзгерістерді тиімді басқаруға шындап ойлануға мәжбүр етті. Қазіргі таңда мемлекеттік басқаруды жеделдетіп цифрландыру тақырыбы өзекті болып тұр. Коронавируспен күресудің үздік тәжірибелерін талдау Оңтүстік Корея мен Сингапур сияқты дамыған және нақты жұмыс істейтін мемлекеттік электрондық сервистері бар елдер пандемияны тез арада тоқтата алатындығын көрсетті», – деді Сыбайлас жемқорлыққа қарсы іс-қимыл агенттігінің төрағасы.
Алик Жатқамбайұлының айтуынша, бюджет қаражатын жымқыруға жол бермей, «Цифрлық Қазақстан» мемлекеттік бағдарламасын іске асыруға барынша ден қою қажет. «Осы тұрғыда қазіргі уақытта Цифрлық даму мен Білім және Ғылым министрліктерінің жоғары лауазымды тұлғаларына қатысты цифрландыру бойынша екі қылмыстық істі тергеп жатқанымызды айтқым келеді» деді агенттік төрағасы Алик Шпекбаев.
Кеше ғана президент Тоқаевтың жарлығымен Асқар Қуанышұлы Жұмағалиев Қазақстан Республикасының Цифрлық даму, инновациялар және аэроғарыш өнеркәсібі министрі қызметінен босатылған еді. Ал Асхат Аймағамбетов басқарып отырған министрліктің жұмысына Тоқаев сын айтқан болатын

Байланысты жаналықтар

ЭКСПО тендері: гүл өсіруге 48 миллион

22.05.2020

«Путин мен Тоқаевтың үнсіздігін түсінбедім»

19.08.2020

Мұхтар Тайжан: Алауыздық тудырған телеарна жабылсын

24.12.2020

Алексей Навальный Мәскеуге ұшып келе жатыр

17.01.2021

Жоғарғы сотқа ақыл айтуға болмайды екен

23.10.2020

Қыл үстіндегі қауіпсіздік: Ресей, Қытай, Қырғызға тәуелді Қазақстан

09.03.2021