Қайрат Келімбетов жаңа қызметке тағайындалды

  • 14.09.2020
  • Malim Админ

«Астана» халықаралық қаржы орталығының басқарушысы Қайрат Нематұлы Келімбетов Қазақстан Республикасының Стратегиялық жоспарлау және реформалар агенттігінің төрағасы болып тағайындалды деп хабарлайды Ақорда.

Қайрат Келімбетов 1969 жылы Алматы қаласында туған. ҚР Ұлттық Банкінің Төрағасы болған. 2012-2013 жылдары Қазақстан Республикасы премьер-Министрінің орынбасары лауазымында макроэкономика, бюджет саясаты, мемлекеттік активтерді басқару және қаржы секторы, салық және кеден саясаты мәселелеріне жетекшілік етті. Сондай-ақ Қазақстан Республикасы атынан Еуразиялық экономикалық комиссия кеңесінің төрағасы болды. 2011 жылы ҚР Экономикалық даму және сауда министрі қызметін атқарды.

2008-2011 жылдары Келімбетов мырза республиканың барлық мемлекеттік активтерін біріктірген «Самұрық-Қазына» Ұлттық әл-ауқат қорын басқарды. Қазақстан Республикасы Президенті Әкімшілігінің Басшысы, «Қазына» тұрақты даму мемлекеттік қорының басшысы, экономика және бюджеттік жоспарлау министрі қызметтерін атқарған. Сондай-ақ Қазақстан Республикасы Президенті жанындағы Жоғары экономикалық кеңесте, ҚР Стратегиялық жоспарлау агенттігін басқарды, ҚР Қаржы бірінші вице-министрі болды.

Байланысты жаналықтар

Дулат Ағаділдің қазасына қатысты іс тоқтатылды

28.05.2020

Саакашвили Қазақстанға "келе жатыр"

27.08.2020

"Дариға әлі-ақ қайтып келеді"

05.05.2020

Ағаділдің жаназасына шыққан белсенділерді полиция ұстап жатыр

26.02.2020

Карантинді тағы екі аптаға ұзартыпты

29.07.2020

Қоғамдық тәртіп пен қауіпсіздікке Ұлттық қордан қыруар қаржы бөлінбек

03.05.2021