"Қырғыздар Ресей құрамына кіргісі келеді"

Malim Админ

  • 15.09.2020

Қырғыздың бірқатар шенеуніктері қырғыздардың Ресей құрамына қайта кіруге ықтиярлы екенін айтады. Соның бірі Ресейдегі Қырғызстанның экс-елшісі Райымқұл АТТАКУРОВ. Ол бұл туралы ресейлік басылымға берген сұхбатында айтты.

[caption id="attachment_7304" align="alignleft" width="300"] Р.Аттакуров[/caption]

«Біз көптеген ғасырлардан бері біргеміз. Біздің тарихымыз ортақ және болашағымыз да ұзақ уақыттар бойы бірге болады деп сенеміз. Қазір, тіпті, көптеген қырғыздар Ресей құрамына республикалардың бірі ретінде кіру туралы ойлап жүр», - дейді Аттакуров.  

Бұл сұрақ ресейлік журналист үшін де тосын естілген болу керек, нақтылап қайта сұрайды:

« - Қырғызстанда осындай әңгімелер расында бар ма, шынымен сондай мүмкіндік талқыланып жатыр ма?

« - Иә, Қырғызстанда ондай бар. Осы жақтағы диаспоралық қоғамдастықтарда да бұл мәселе талқыланып, айтылып жүр. Әрине, мұны аяқ асты, асығыс жасауға болмайды. Бірақ, меніңше, қалай да осыған қадам жасалу керек, өмірдің өзі бізді осыған итермелеп тұр ғой», - дейді шенеунік.

Айта кету керек, бұл қырғыз шенеуніктерінің аузынан алғаш шығып отырған жоқ. Ресей басылымына берген сұхбатында тағы бір Қырғыз Жогорку Кенешінің депутаты Ақылбек ЖАПАРОВ айтқан.

[caption id="attachment_7303" align="alignleft" width="300"] А.Жапаров[/caption]

«Егер бүгін барып Қырғызстанда сауалнама жүргізсе, азаматтардың 90 пайызы ЕАЭО ғана емес, Ресей құрамына кіруге де дайын екеніне сенімдімін. Біз Ресей құрамына өз еркімізбен, 1861 жылы кіргенімізді еске салғым келеді, және біздің елдің Совет одағы құрамында да ортақ тарихымыз бар», - деген Қырғызстанның еңбек сіңірген экономисті.

Әрине, мұндай сөздерге Қырғыз қоғамының рекакциясы қандай болатыны түсінікті. Олардың көбінің пікірі «сыртқа бәрін сатып болып, енді сататын түк таппаған соң, елді, жерді, халықты сатуға көшті», дегенге саяды. Сондай-ақ, Ресейдегі диаспоралық қоғамдастық өкілдері де мұны жоққа шығарды.

Бір жыл ішінде екі шенеунігі Ресей құрамына кіру туралы айтардай, қырғыздарға не болды екен...

MalimBlocks