Әкім қоғамдық кеңеске есеп берді

  • 18.02.2020
  • Malim Админ

Жуырда ғана Асқар МЫРЗАХМЕТОВТЫ алмастырған Жамбыл облысының әкімі Бердібек САПАРБАЕВ  облыстық қоғамдық кеңес алдында есеп берді. Бұл туралы МӘЛІМ сайты хабарлайды.

Әдетте қоғамдық кеңес әкімдердің есебін тыңдап, нормативтік-қоғамдық актілерге сараптама жасайды. Көбіне есепте баяндама тыңдап үйреніп қалған қоғамдық кеңес мүшелері бұл жолы жаңа әкіммен сұрақ-жауап форматында кездесу өткізді.

Әрине, Бердібек МӘШБЕКҰЛЫНЫҢ бастапқы сөзі өңірдің тұрмысы мен экономикалық жағдайына арналды. Ауыл шаруашылығы, кәсіпорындар мен шағын және орта бизнестің ахуалы сөз болды. Қордай трагедиясынан кейін қоғам өкілдерімен кездесудің маңызы тіптен арта түссе керек, әкім кеңес мүшелерінің барлығын мұқият тыңдап шықты.

Қоғамдық кеңес мүшесі Қайрат ШОТБАҚОВ «ЖЭО» АҚ-ны жұмысын жандардыруды, облыс үшін өте қолайлы қызылша өсіруді қолға алуды және одан тауар шығару үшін қант зауыттарын салу керектігін айтты. Жалпы, республика бойынша қант қызылшасы Алматы және Жамбыл облыстарында жақсы өседі.

«Жамбыл облысы жастар ұйымдарының Қауымдастығы» ЗТБ президенті, қоғамдық кеңес мүшесі, белсенді жас Исламбек ДАСТАН көпбалалы аналардың мәселесін көтерді. Оларға жатақхана салуды және Халыққа қызмет көрсету орталықтары орналасқан ғимараттардың мүшкіл хәлін де жеткізді. Сондай-ақ, ескірген қоғамдық көліктерді де айтты.

Асылы, үкімет бюджеттің 50 пайыздан асасын әлеуметтік салаға бөледі. Бұл елдегі тұрмыстық сфераға қолдау қажеттігін көрсетеді. Сондай-ақ, былтырғы жылдан бері үкімет алдына көпбалалы аналардың проблемасы шыққан еді. Оны Бердібек Сапарбаев еңбек және әлеуметтік қорғау министрі және вице-премьер кезінен жақсы біледі. Жалпы, қоғамдық кеңес осындай мәселелерді атқарушы билікке жеткізу үшін құрылған. Бұл ел ішіндегі шынай жағдайды білу үшін құрылған құрылым. Сапарбаев өз кезегінде көпбалалы отбасыларға арналған жатақхананың құрлысы жалғасады деп жауап қатты.

Жуалы аудандық Қоғамдық кеңесінің төрағасы  Сейітхан ЖҰМАШЕВ өзі жетік білетін медицина саласына қатысты ойымен бөлісті. Қарапайым пошташылардың еңбекақысының аздығын да сөз етті.

Қысқасы, қоғамдық кеңес мүшелері өңірдегі өзекті мәселерді айтудан тартынып қалған жоқ. Су саласы, қаңыраған Қаратау проблемасы, газ тарту мәселесі де айтылды. Қазақ футболына талай мықты аяқ доп шеберлерін дайындап берген «Тараз» футбол клубының да жағдайы да айтылды.

Нұрбол ӘДІЛ

Фото: inform.kz

Байланысты жаналықтар

Коронавируспен "ауырмау" 25 мың теңге тұрады екен

06.08.2020

«Ауыл» Халықтық-демократиялық патриоттық партиясы сайлауға қатысады

21.10.2020

Біртанов министрлігі пропагандадан бас тартпайды

02.06.2020

Үкімет өкілі Мақтааралға келді

06.05.2020

Біртанов Бекшиннің мәлімдемесіне қатысты түсінік берді

10.03.2020

Уханда оқып жатқан қазақ студенттері елге жеткізілді

02.02.2020