Қастер мен Мұрагерге босқын мәртебесі берілді

Есдәулет Қызырбекұлы

  • 17.10.2020

Қытайда қысым көріп, Қазақстан шекарасын заңсыз кесіп өткен Қастар Мұсаханұлы мен Мұрагер Әлімұлына босқын мәртебесі берілді.

Ақмола облысы полиция департаменті көші-қон басқармасы Қастер Мұсаханұлы мен Мұрагер Әлімұлының босқын мәртесебін беру туралы өтінішін қанағаттандырды. Өтінішті босқын мәртебесін беру, ұзарту айыру және тоқтату бойынша ведомствоаралық комиссия қараған. Комиссия шешімі бойынша, қос азаматқа 1 жылға босқын мәртебесі берілген.

Мұсаханұлы мен Әлімұлының адвокаты Абдулла Бақбергеновтің сөзінше, өтінішті қарау барысында комиссия отырысы бірнеше рет кейінге қалдырылған. Бірақ ақыр соңында комиссия қазанның 16-ы күні оң шешім шығарған.

«Осы екі жігіттің (Мұсаханұлы мен Әлімұлының-ред) мәселесі бойынша маған «Нағыз Атажұрт» ұйымының жігіттері хабарласты. Өтініш қазанның 16-сы күні қаралды. Комиссияда жеті адам болды. Олардың арасында депутаттар, ҰҚК және көші-қон полициясының қызметкерлері болды. Комиссия қорытындысы бойынша 1 жылға босқын мәртебесі берілді», - дейді А.Бақбергенов.

Естеріңізге салайық, 2019 жылдың қазан айында  Қастер Мұсаханұлы мен Мұрагер Әлімұлы Қазақстан аумағына келген. Сол уақытта қос азамат Қазақстан билігінен босқын мәртебесін беруді сұраған. Кейіннен Шығыс Қазақстан облысы Зайсан аудандық соты оларды «мемлекеттік шекараны заңсыз бұзып өтті» деген айыппен 1 жылға бас бостандығынан айырған. Тергеу изоляторында отырған 1 күні 2 күнге есептелуіне байланысты Қастер Мұсаханұлы мен Мұрагер Әлімұлы 5 ай 24 күннен кейін бостандыққа шығарылған.

 

 

 

Байланысты жаналықтар

Асанәлі Әшімов: Жігіттер әлдебір топтың жетегінде кеткен екен

08.02.2020

Табиғат ресурстарын сақтау мен қорғау

03.02.2020

Карантин: Енді сізді үйіңізде де бақылауда ұстайды

08.06.2020

Жақсы жаңалық: Коронавирус табылған жоқ

29.11.2020

Қазақстандықтар Ресейге кетіп жатыр

12.03.2020

Коронавирустан тоғызыншы адам қайтыс болды

10.04.2020
MalimBlocks
Асанәлі Әшімов: Жігіттер әлдебір топтың жетегінде кеткен екен

Табиғат ресурстарын сақтау мен қорғау

Карантин: Енді сізді үйіңізде де бақылауда ұстайды

Жақсы жаңалық: Коронавирус табылған жоқ

Қазақстандықтар Ресейге кетіп жатыр

Коронавирустан тоғызыншы адам қайтыс болды