Досмұхамбетов Таубаевтың отставкасын қабылдай ма?

  • 27.10.2020
  • Malim Админ

Атырау облысы әкімінің бірінші орынбасары Нұрлан ТАУБАЕВ облыс басшысы Махамбет ДОСМҰХАМБЕТОВТЕН қызметінен босатуды сұрады. Пара алды деп күдікке іліккен шенеуніктің арызын адвокаты Игорь ВРАНЧЕК Facebook әлеуметтік желісінде жариялады.

«Құрметті облыс тұрғындары. Мен шешім қабылдадым, 22 қазанда Атырау облысы әкімінің атына мені әкімнің бірінші орынбасары лауазымынан босату туралы өтініш бердім. Бұл шешім тергеу жүргізіліп жатқан қылмыстық іс бойынша менің кінәмді мойындаумен байланысты емес, мен кінәм жоқ екенін дәлелдеуге ниеттімін, өйткені мені айыптайтындай ештеңе жасамадым.Атырау облысы әкімінің бірінші орынбасарына жауапты жұмыс учаскесі жүктелді, мәслихат пен Мәжіліс сайлауы өтеді, осыған байланысты мен әріптестерімнің және Атырау облысы әкімінің атына қандай да бір күдік келтіргім келмейді.Осыған байланысты және тек осы себеппен осындай шешім қабылдадым», - делінген Таубаевтың арызында.

Естеріңізге сала кетейік, 2020 жылдың  10-шы қыркүйегінде Атырау облысы әкімінің бірінші орынбасары Нұрлан Таубаев пен облыстық құрылыс басқармасының басшысы Тимур БАСАРОВ 182 млн теңге пара алды деген күдікпен ұсталған.

44 жастағы шенеунік 2018 жылдан бері Атырау облысты әкімінің орынбасары болып еңбек еткен.

Байланысты жаналықтар

«Амал жоқ! Түрмеде барлық қабілетің ашылады»

26.04.2021

Тәуелсіздік күні бүгін тойлануы тиіс

25.10.2020

Тынымбайға сыйлық бермегендері өте ұят болды

05.11.2020

Жедел жәрдем шақырғаннан мемлекеттік тіл тірілмейді

26.11.2020

Құлыбаев Financial Times-қа шыққан материал үшін Бас прокуратураға шағымданды

09.12.2020

«Конвеллдің атақ-даңқынан үркіп отырған жоқпын»

11.03.2020