Орынбасары жемқорлықпен ұсталған Қарағанды қаласының бұрынғы әкімі Нұрлан Әубәкіров "Сарыарқа" әлеуметтік-кәсіпкерлік корпорациясы" АҚ басқарма төрағасы болып тағайындалды. Нұрлан Әубәкіров 2014 жылдың маусым айынан 2020 жылдың қыркүйек айына дейін Қарағанды қаласының әкімі қызметін атқарған.
Естеріңізде болса, Қарағанды қаласының әкімінің орынбасары болған Жақсылық Шалабековке қатысты Сыбайлас жемқорлыққа қарсы іс-қимыл агенттігі қылмыстық іс қозғалған.
Шенеуніктің ұсталғаны туралы хабарды агенттіктің баспасөз қызметі растап, тергеу жүріп жатқанын айтқан.
«Қарағанды облысының арнайы прокурорлары Қарағанды қаласы әкіміне байланысты тергеу жүргізіп жатыр. Тергеу ақпараттары рұқсат етілген мөлшерде прокурордың бұйрығымен ғана, тергеуге зияны тимейтін болса, әрі басқа адамдардың заңды құқықтарын бұзбайтын болса, жарияланады», - деген еді Сыбайлас жемқорлықққа қарсы іс-қимыл агенттігіндегілер.
Оқи отырыңыз: Шалабеков жемқорлықпен ұсталды. Әубәкіров қайтпек?
Қарағанды қаласының әкімі болып Ермағанбет Бөлекпаев тағайындалған болатын.
Оқи отырыңыз: Таубаевтың «екпіні» Махамбетті әкімдіктен айыра ма?
MalimBlocks
